دهقان‌لردن بیرقطاری مملکتده‌گی قورغاقچیلیک و سوو تنقیص‌لیگیدن خواطر بیلدیریب ایتیشلریچه، سونگی قورغاقچیلیک باعث اولر زیان کوپ کورگنلر. اولر گه کوره، برچه نرسه‌لرینی ایکینیچلیک ایشلری گه صرفلسه‌لرده، بیراق قورغاقچیلیک طفیلی ایکین‌لری حاصل بیرمه‌گن.
عین‌حالده، ایش بیلرمان‌لردن قطاری نینگ ایتیشلریچه، مملکتده قورغاقچیلیک دوام ایتگن تقدیرده، افغانستان اقتصادی اوستیگه سلبی تاثیر قیلیشی ممکن. اولر گه کوره، افغانستان ده اوتگن ۴۰ ییل اوروش گه قره‌گنده، آست قورمه‌لر، کاناللر و سوو ییتکیزیش شبکه‌لر و شونینگدیک کاریزلر یوق ایتیلگن.
بیزلرنینگ فیسبوک صحیفه‌میزگه باش اورینگ!
ایش بیلرمان‌لر اوشبو بولیم‌لر یوق ایتیلیش سببینی ایکینچیلیک ساحه‌سیده استراتیژیک پلان یوق‌لیگی عنوان قیله‌دیلر. اولر قورغاقچیلیک خصوصیده ایتیشلریچه، اسلامی امارت مسئوللری اوزاق مدتلی پلان گه نیازمندلر و حکومت نینگ اوشبو پلانی اساسیده، سوو ییتکیزیش کاناللر و افغانستان سوولری باشقریلیشی کیره‌ک.
اقتصادی ایش بیلرمان عبدالنصیر رشتیا نینگ ایتیشیچه: «قورغاقچیلیک دوام ایتگن تقدیرده، افغانستان خلقی نینگ تیریکچیلیگی و اقتصادی اوستیگه سلبی تاثیر قیله‌دی.»
اسلامی امارت مسئوللری نینگ ایتیشلریچه، قورغاقچیلیک و سوو تنقیص‌لیگیدن تأثیرلنگن ولایت‌لر گه دنیا جماعه‌چیلیگی نهادلری نینگ یاردم‌لری توزیع بوله‌دی. سلام‌وطندار بیلن صحبت اوتکزگن ایکینچیلیک، سوغاریش و چارواچیلیک وزیرلیگی نینگ سوزلاوچیسی مصباح‌الدین مستعین گه کوره، مملکتده‌گی قورغاقچیلیک و سوو تنقیص‌لیگینی باشقریش اوچون اوزاق و قیسقه مدت پلان توزه‌تگنلر.
قیسقه مدتلی پلان‌لری گه بناً، قورغاقچیلیک باعث زیان کورگنلر گه تشقی نهادلر نینگ یاردم‌لری توزیع بوله‌دی و اوزاق مدتلی پلان‌لریده ایسه مملکتده قورقاقچیلیکنی آلدینی آلیش اوچو سوو کانال‌لرینی قوره‌دیلر.
بیزلرنینگ توییترده هم تعقیب قیلینگ!
ایتیش کیره‌ک که، افغانستان ده اسلامی امارت حاکم بولیشیدن کیین، بیرلشگن ملت‌لر تشکیلاتی و خلق‌ارا تشکیلات‌لردن قطاری، نیچه مرته افغانستان نینگ اقتصادی آغیر وضعیتی باره‌سیده آگاه‌لنتیرگن ایدیلر. قورغاقچیلیک و سوو تنقیص‌لیگی افغانستان نینگ اقتصادی وضعیتی اوستیگه سلبی تأثیری بولگن موضوع لردن دیر.
ایکینچیلیک سکتوری افغانستان اقتصادی نینگ مهم بولیم‌لرینی تشکیل بیره‌دی که اوشبو مملکت نینگ ۸۰ فایز اهالیسی دهقان‌چیلیک ایشلری بیلن مصروف دیر و افغانستان خلقی نینگ ۶۰ فایز درآمدی ایکینچیلیک آرقه‌لی تأمینلنه‌دی.
