طبیعی حادثهلرگه قرشی کوره‌ش ایشلری بوییچه دولت وزیرلیگی مسئوللری، قوروقچیلیککه قرشی کوره‌ش اوچون اوز تیارگرلیک‌لرینی بیلدیرگن.
بوگون (پنجشنبه ۳۰- دلو) طبیعی حادثهلرگه قرشی کوره‌ش ایشلری بوییچه دولت وزیری غلام بهاءالدین جیلانی «دولت نی ملت گه حساب بیریش» برنامه‌سیده ایتیشیچه، بو اداره نی قوروقچیلیککه قرشی اوچون بوتون تیارگرلیگی بار.
طبیعی حادثهلرگه قرشی کوره‌ش ایشلری بوییچه دولت وزیری گه کوره، قوروقچیلیک کیلگوسی ییل اوچون کتته بیر تهدید پیش‌بینلیک قیلینگن؛ بیراق مذکور وزیرلیک مسئول نهادلر همکارلیگی بیلن قوروقچیلیککه قرشی کوره‌ش کمیسیونی ایجاد قیلگن.
مذکور کمیسیون ده طبیعی حادثهلرگه قرشی کوره‌ش ایشلری بوییچه دولت وزیرلیگی مسئوللری، افغانستان بوییچه جاپان ایلچی‌خانه‌سی و بیرلشگن ملتلر تشکیلاتی نینگ رواجلنتیریش تشکیلاتی (UNDP) همکارلیگی بیلن بو نتیجه گه ییتیشگنلر کیم، قوروقچیلیکدن ضرر کوره‌دیگن منطقه‌لرنی بیللی قیلیب و قوروقچیلیک یوزبیرگن صورتده، اولرگه یاردم بیریلسین.
جناب جیلانی گه کوره، قوروقچیلیک یوز بیرگن صورتده مملکت شمال‌شرقی و جنوب غربی ضرر کوره‌دیگن منطقه‌لردن دیر.
طبیعی حادثهلرگه قرشی کوره‌ش ایشلری بوییچه دولت وزیرلیگی مسئوللری نینگ ایتیش‌لریچه، شونینگدیک اولر بیر مقدار پول نی هم نظرگه آلگن و قوروقچیلیک یوزبیرگن صورتده، ضرر کورگن عایله‌لرگه یاردم بیریش‌لری ممکن. بیراق مسئوللرگه کوره، قوروقچیلیکدن ضرر کوره‌دیگن عایله‌لر حقیده بیللی بیر رقم یوق.
