بیرلشگن ملتلر تشکیلاتینینگ انسانسیورلیک یاردملرنی هماهنگ قیلووچی ادارهسی افغانستان بولیمی (اوچا)، اوشبو مملکت اوچ میلیون ۴۰۰ مینگ یشاوچیسینینگ قوروقچیلیکلردن تاثیرلنگنینی ایتگن.
مذکور نهادنینگ بوگون (۷-سرطان، یکشنبه)، اکس صحیفهسیده یازیشیچه، افغانستاننینگ اوشبو یشاوچیلری اوتگن میلادی ییلده ۱۲ ولایتده قوروقچیلیکلردن تاثیرلنگن. اوچانینگ کوپهیتیریشیچه، ییر آستی سوولر سطحی ۳۰ فایز قویی کیتیب و بو وضعیت، افغانستان یشاوچیلرینینگ تیریکچیلیک وضعیتیگه زیان ییتیشتیرگن.
بیرلشگن ملتلر تشکیلاتینینگ انسانسیورلیک یاردملرنی هماهنگ قیلووچی ادارهسی افغانستان بولیمی گه کوره، جاری ییلده یوز بیرگن یاغینگرچیلیکلر بیراز امیدوارلیک یرهتگنی بیلن، بیراق افغانستان دهگی یشاوچیلر حاضرگچه سوو منبعلری کملیگی و هوا اوزگریشلری طفیلی کوچهیب بارهیاتگن باسیملر بیلن روپهره دیر.
بوندن آلدین خلقارا قاچقینلر تشکیلاتی، اوتگن میلادی ییلده افغانستاننینگ قریب ۱۰ میلیون یشاوچیسی هوا اوزگریشلریدن تاثیرلنگنینی معلوم قیلگن ایدی.
