بیرلشگن ملت‌لر تشکیلاتی نینگ انسان پرورلیک یاردم‌لرینی هماهنگ قیلووچی دفتری یا-ده اوچا، اوتگن کون (یک‌شنبه، ۲۵-سرطان)، بیر اعلامیه ترقه‌تیش بیلن ایتیشیچه، افغانستان طبیعی آفت‌لر و هوا اوزگریش تهدید‌لری گه دوچ بولگن اون مملکت آره‌سیده دیر.
اعلامیه‌ده کیلیشیچه، افغانستان یشاوچیلری نینگ حیاتی و ایکینزارلری هوا نینگ اوزگریشی سبب، تهدید گه دوچ بولیب و یشاوچیلر عاجل حمایت گه نیازلری بار. «قوروق‌چیلیک نتیجه‌سیده، ایکینزارلر اورته‌دن کیتیب و آچلیک کوپه‌یشی گه سبب بوله‌دی. هوا ایسیق بولماقده. اطراف-محیط نینگ خراب بولیشی بیلن، افغانستان ده ایکینچی‌لیک و حیات کیچیریش خوف بیلن روپه‌ره بوله‌دی که، افغانستان یشاوچیلری اقلیمی اوزگریشی عاقبتلری نینگ آلدی نی آلیش اوچون، عاجل حمایت گه نیازلری بار.»
بیزلرنینگ فیسبوک صحیفه‌میزگه باش اورینگ!
عین حالده، اطراف-محیط نی سقلش اداره مسئوللری، اقلیمی قیین‌چیلیک نی خلق‌ارا بیر موضوع عنوان قیلیب ایتیشلریچه، افغانستان اقلیم اوزگریش خصوصیده هیچ نقشی یوق، بیراق بو توغریده زیان کوره‌دی.
اطراف-محیط اداره‌سی نینگ اقلیمی اوزگریشلر بولیمی رئیسی روح‌الله امین نینگ سلام‌وطندار گه ایتیشیچه: «اقلیم اوزگریشی خلق‌ارا بیر موضوع دیر، بیراق اقلیم اوزگریشی‌دن کوپ زیان کوره‌دی و بو اقلیم اوزگریش‌لری افغانستان اوچون سلبی عاقبتلری بولیشی ممکن.»
اطراف-محیط اداره‌سی نینگ اقلیمی اوزگریشلر بولیمی رئیسی سلام‌وطندار گه، اقلیمی اوزگریشلر بیلن قرشی کوره‌ش خصوصیده خلق‌ارا تشکیلات‌لر بیلن اطراف-محیط نی سقلش اداره‌سی نینگ تعامل و رابطه‌سی حقیده ایتیشیچه، افغانستان اقلیم اوزگریش کنوانسیون اعضالریدن بیری دیر و اونینگ قاعده-قانونی نی اجرا قیلیشی کیره‌ک.
اونینگ کوپه‌یتیرشیچه: «دنیا نهاد‌لری نینگ سیاسی ملاحظه‌لری گه کوره، گرچند افغانستان بو توغریده سعی و حرکت قیلگن و آنلاین ییغین‌لری نی یولگه قوییگن، بیراق خلق‌ارا نهاد‌لر موضوع نی سیاسی قیلیب و مالی و فنی یاردم‌لر پروسه‌سی نی توخته‌تگنلر.»
شونده‌ی بیرحالده، اطراف-محیط ایش بیلرمانی بهرام بیرام نینگ ایتیشیچه، اقلیم اوزگریش‌لری نینگ ایچکی و خارجی عامل‌لری بار.
اونینگ کوپه‌یتیریشیچه: «ایکی عامل بار. بیری خلق‌ارا دیر که، بوتون دنیا زیان کورگن. گلخانه‌یی گاز‌لردن قوللنیش موضوع‌سی و تکنالوژی تخنیک‌لردن فوللنیش دیر. باشقه عاملی ایسه ایچکی دیر که اهالی نینگ معلوماتی یوق و اولر نینگ توجه‌سیزلیگی، اقلیم اوزگریش‌لری گه سبب بولگن.»
بیزلرنینگ توییترده هم تعقیب قیلینگ!
باشقه بیر تامان‌دن، اطراف-محیط ایش بیلرمانلریدن باشقه بیری عبدالباسط رحمانی، هوا اوزگریشی نینگ آلدینی آلیش خصوصیده ایتیشیچه: «بو بولیم‌ده سرمایه یاتقیزیش گه نیاز دیر و ینگی تخنیک نینگ قوللنیشی کیره‌ک. خلق‌ارا سطح‌ده قوی‌راق رابطه ایجاد بولیشی کیره‌ک. فعال و متخصص بیر گروه تعیین بولیب و اطراف-محیط‌دن سقلش و اقلیم نینگ مدیریت قیلیش خصوصیده مشارکت‌لری بولیشی کیره‌ک.»
عین حالده، اوتگن ییل خلق‌ارا اقلیمی اوزگریشلر نینگ ۲۷-ییغینی‌ده، بیرلشگن ملت‌لر تشکیلاتی نینگ باش کاتبی آنتونیو گوترش، افغانستان نی دنیا ده اقلیمی اوزگریش‌لردن زیان کوره‌دیگن آلتینچی مملکت اعلام قیلگن.
