اوتگن نیچه ییل جریانیده کیتمه-کیت قوروقچیلیکلر، پکتیا ولایتیده ایکینچیلیک بولیمیگه کینگ کولملی سلبی تاثیرلرنی قوییب، للمی محصوللر کمهیشی همده دهقانلرگه مالی زیانلر ییتیشیشیگه سبب بولگن.
پکتیا ولایتینینگ بیر قطار حدودلریده، خرهجتی آز بولگنی و ییرلرنینگ یامغیر بیلن سووغاریلیشی مقصد، للمی ایکین کینگ کولملی شکلده عملگه آشیریلهدی؛ لیکن سونگی ییللردهگی قوروقچیلیک سبب بو تور ایکین سیزیلرلی درجهده کمهیگن.
ایکینچیلرنینگ ایتیشلریچه، توپراق نملیگی کمهیگنی و حرارت درجهسی آشگنی، دیمه ایکین توغریسیده سلبی تاثیری بولیب و نتیجهده، ییرلریدن قطاری ایکینسیز شکلده قالگن.
پکتیا ولایتی سیدکرم تومنیدهگی دهقانلردن عبدالرزاقنینگ ایتیشیچه، بو ییل کوکلم موسومیده یاغینگرچیلیکلر سبب، ییر نملیگی آشگن؛ بیراق اقتصادی قیینچیلیکلر سبب دیمه ییرلریگه ایکین ایکه آلمهگنلر.
او، ایکینچیلیک ریاستی و یاردم بیرووچی نهادلردن للمی ایکین رواجلنیشی و حمایت بولیشی اوچون تراکتور تامینلنیشی همده ییرلری تیارلنیشی بولیمیده دهقانلر بیلن همکارلیک بولیشینی سورهگن. «آلتی-سکیز جریب ییریم بار. اوتگن ییل اونگه للمی ایکین قیلگن ایدیم، بیراق ضرر کوردیم؛ چونکه قوروقچیلیک بولدی و حتا تراکتور خرهجتینی هم چیقره آلمهدیک. انه شوو سبب، بو ییل ییرگه هیچ نرسه ایکمهدیک.»
ایکینچیلردن باشقه بیری عیسانینگ ایتیشیچه، اوتگن ییللردهگی قوروقچیلیک للمی ایکینگه زیان ییتیشتیرگن. اونینگ کوپهیتیریشیچه، کوکلم موسومیدهگی یاغینگرچیلیکلردن کیین دهقانلردن قطاری ییرلریگه نرسه ایکیب و بو ییل یخشی حاصل قولگه کیلیشیگه امیدوارلر. «بعضا قوروقچیلیک جوده سلبی تاثیر قویهدی. حتا یاز موسومیده هم یاغیش بولمسه، للمی ایکینگه تاثیر قویهدی. اوسیملیکلر ضعیف بولهدی و یاوای اوتلر کوپهیهدی.»
شونینگدیک ایکینچیلردن فیصلگه کوره، اوتگن ییلدهگی قوروقچیلیکلر للمی محصوللرینینگ سیزیلرلی درجهده کمهیشیگه سبب بولگن. اونینگ کوپهیتیریشیچه، سونگی یاغینگرچیلیکلر توپراقنینگ قیته نملیگینی کوپهیتیریب و بو ییل للمی محصوللرنینگ یخشیراق نتیجه بیریشی ممکن. «سونگی قوروقچیلیکلر سبب، ییرلر قوریگن و دیمه حاصللریمیز هم اوتگن ییللرگه نسبت ۳۰-۴۰ فایز کمهیگن ایدی.»
شوندهی بیرحالده، ایکینچیلیک ایش بیلرمانلرینینگ ایتیشلریچه، سونگی ییللرده کیتمه-کیت قوروقچیلیکلر نهفقط پکتیا بلکیم افغانستاننینگ تورلی بولیملریده ایکینچیلیک تولیدلریگه کینگ کولملی زیانلرنی ییتیشتیرگن.
ایکینچیلیک ایش بیلرمان سیدحسننینگ ایتیشیچه، سونگی یاغینگرچیلیکلر توپراق نملیگی کوپهیشیگه سبب بولیب و بو مسئله للمی ایکینلرنینگ یخشیراق رشد قیلیشیگه یاردم بیره آلهدی. اونینگ اورغولشیچه، قوروقچیلیککه قرشی کورهش اوچون بیللی برنامهلر عملگه آشیریلمهگنی صورتده، اوتگن ییللردهگی زیانلرنینگ جبران بولمسلیگی ممکن. «افغانستان ده اوتگن نیچه ییلده کیتمه-کیت قوروقچیلیکلر اینیقسه پکتیا ده، ایکینچیلیکنینگ برچه بولیملریگه کینگ کولمی تاثیرلرنی قویگن.»
پکتیا ایکینچیلیک ریاستی مسئوللری، سونگی ییللردهگی قوروقچیلیکلرنینگ اوشبو ولایت زراعت بولیمیگه سلبی تاثیری بولگنی همده ایکینچیلیک محصوللر میزانینینگ کمهیتیرگنینی تصدیق قیلگنلر.
پکتیا ایکینچیلیک ریاستی مصلحتچیسی سیدحسن تکلنینگ ایتیشیچه، مذکور ولایتنینگ برچه تومنلری و منطقهلریده یوز بیرگن سونگی یاغینگرچیلیکلرنینگ یخشی نتیجه بیریشی ممکن.
اونینگ ایشانچ بیریشیچه، ایکینچیلیک ریاستی یاردم بیرووچی نهادلر همکارلیگی بیلن قوروقچیلیک تاثیرلری کمهیشی بوییچه بیر قطار برنامهلر جملهدن اورمانلر یرهتیلیشی، سوو ذخیرهلری قوریلیشی و یامغیر سووینی جذب قیلیش سیستملری توزهتیلیشی توغریسیده ایشلماقده. «حاضر ایسه تومنلردن قولگه کیلتیرگنیمیز معلومات اساسیده، برچه حدودده مناسب قار و یامغیر یاغگن؛ انه شوو سبب بو ییل ایکینچیلیک محصوللر نقطهی نظریدن یخشی و برکتلی ییل بولیشینی امید قیلهمیز.»
ایکینچیلیک ایش بیلرمانلری، سونگی یاغینگرچیلیکلرنینگ ایکینچیلیک و قوروقچیلیک اثرلری کمهیشی اوچون جودهیم فایدهلی بیلهدیلر؛ بیراق تاکید قیلیشلریچه، اوزاق مدتده جدی قوروقچیلیک کمهیشی مقصد، تیگیشلی نهادلر ولایتلرده سوو منبعلری درست مدیریت بولیشی و سوو ذخیرهسی سیستملری یرهتیلیشی اوچون تیزلیککه اقدام قیلیشلری کیرهک.
