سرپل ده ییرلری گه دیمه بوغدای ایککن ایکینچیلردن قطاری نینگ ایتیشلریچه، کیت‌مه-کیت قوروقچیلیکلر و جاری ییل‌ده موسومی یامغیرلر نینگ یاغمه‌سلیگی سبب، حاصللریدن ۹۰ فایزی اورته‌دن کیتگن. اولر نینگ کوپه‌یتیریشلریچه، قوروقچیلیک آلدی آلینیشی و ایکینچیلیک نینگ رواجلنیشی اوچون نهاد‌لر و مسئوللر تامانیدن یاردم بیریلمه‌سلیگی، اولر نینگ کوپینچه مالی زیان کوریشلری گه سبب بولگن.
بیش ییل‌دن بیریش ایکینچیلیک بیلن شغللنگن سرپل یشاوچیسی ۲۷ یاشر عبدالغزیز نینگ ایتیشیچه، بو ییل ۳۵ جریب ییری گه دیمه بوغدای ایککن؛ بیراق قوروقچیلیک سبب، حاصلاتی اورته‌دن کیتیب و ۲۰۰ مینگ افغانی زیان کورگن. «۳۵ جریب ییر گه بوغدای ایککن ایدی؛بیراق حاصل بیرمه‌دی، ۲۰۰ مینگ افغانی صرفلگن ایدیم که قوروقچیلیک کیلدی و دولت هم توجه قیلمه‌دی. دولت‌دن بیزلر گه توجه قیلیشلری نی ایسته‌یمیز.»
بیزلرنینگ فیسبوک صحیفه‌میزگه باش اورینگ!
سرپل ده ایکینچیلر، مسئوللردن نیچه ییل‌لیک قوروقچیلیکلر گه توجه قیلیب، اولر گه اصلاح بولگن اوروغ ترقه‌تیلیشی و شونینگدیک زمانه‌وی ایکینچیلیک روش‌لری نینگ تعلیم بیریلیشی نی ایسته‌گنلر.
شونده‌ی بیرحالده، سرپل ایکینچیلیک، سووغاریش و چاروه‌چیلیک ریاستی مسئوللری، قوروقچیلیکلر سبب اوشبو ولایتده دیمه بوغدایلردن ۹۰ فایزی نینگ اورته‌دن کیتگنی و ایکینچیلر نینگ زیان کورگنی نی تصدیق قیله‌دیلر.
سرپل ایکینچیلیک رئیسی عبدالقادر وحدت نینگ سلام‌وطندار گه ایتیشیچه: «دایم دیمه ساحه‌لریدن قولگه کیله‌دیگن حاصللر، بو ییل قریب ۸۰-۹۰ فایزی نی قولدن بیرگن‌میز که دهقان‌لریمیز زیان کورگن. دیمه ساحه‌سی گه اصلا ایکیلمه‌گن و صرف‌لنگن بیر مقداری ایسه؛ بیراق هیچ نرسه قولگه کیلتیره آلمه‌گنلر.»
باشقه بیر تاماندن، سرپل ده ایکینچیلیک ایش بیلرمانلریدن قطاری، اوشبو ولایتده قوروقچیلیک سبب ایکینچیلیک وضعیتی نی خواطرلنتیرووچی عنوان قیلیب ایتیشلریچه، ایکینچیلیک وزیرلیگی تامانیدن ایکینچیلر اوچون فایده‌لی برنامه‌لر و حل یوللر نینگ یولگه قوییشی کیره‌ک.
بیزلرنینگ «ایکس» ترماغی ده هم تعقیب قیلینگ!
ایکینچیلیک ایش بیلرمانلریدن وحید‌الله منور نینگ ایتیشیچه، هر ییل اوتیشی بیلن ایسیق شدتی کوپه‌یب و مملکت‌ده قوروقچیلیک کوپه‌یه‌دی؛ انه شوو سبب، ایکینچیلر زمانه‌وی روشلر نی تانیشلری کیره‌ک که کیله‌سی ییل‌لر یخشی حاصل قولگه کیلتیرسینلر. اونینگ کوپه‌یتیریشیچه: «کیت‌مه-کیت قوروقچیلیک و یامغیرلر یاغمه‌سلیگی، ایکینچیلر گه منفی تاثیر قویگن. دولت زمانه‌وی ایکینچیلیک اوچون زمینه یره‌تیشی کیره‌ک و عکسینچه حالده، هر ییل اوتیشی بیلن ایکینچیلر کوپراق زیان کوره‌دی.»
ایتیش کیره‌ک که، بوغدای، ارپه، جواری، پخته، کنجوت و زغر، سرپل ده اینگ اونملی ایکینچیلیک محصولاتی دیر و اوشبو ولایتده ایکینچیلر، بو یول آرقه‌لی حیاتلری نینگ کونده‌لیک نیازلری نی تأمین قیله‌دیلر؛ بیراق اوچ-تورت ییل‌ده‌گی کیت‌مه-کیت قوروقچیلیکلر، حیات نی اولر گه قیین قیلگن دیر.
