کان‌لر و پترولیم وزیرلیگی مسئوللری گه کوره، بوندن کیین چین قرادادی شرکتی تامانیدن سرپل ولایتی نینگ قشقری ده آلتی قودوق و انگوت ده اوچ قودوق دن عبارت توقیز تیل قودوغیدن تیل قازیب چیقریش ایشی باشلنه‌دی.
کان‌لر و پترولیم وزیرلیگی سوزلاوچیسی همایون افغان نینگ سلام‌وطندار گه ایتیشیچه، سرپل نینگ قشقری و انگوت توقیز قودوغیدن هر کونی اورته روشده ۳۵۰ تُن تیل قازیب چیقریله‌دی.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «حاضرگی کونده قشقری ده آلتی قودوق و انگوت ده اوچ قودوق فعال دیر، توپلم روشده توقیز قودوق فعال دیر اوشبو قودوق‌لردن هر کونی اورته روشده ۳۵۰ تُن تیل قازیب چیقریله‌دی.»
کان‌لر و پترولیم وزیرلیگی سوزلاوچیسی گه کوره، تورت مینگ متر مربع مساحتی بولگن آمو تیل حوزه‌سیده، اوشبو ییل یکونی گه قدر باشقه ۱۵ تیل قودوغی فعال بولیشی کوتیله‌دی.
سرپل یشاوچیلریدن بیرقطاری، قشقری تیل کانی قازیب چیقریش جریانی باشلنگنیدن خورسندلیک قیلیب ایتیشلریچه، ایش فرصت‌لری یره‌تیلیشی اوچون بو کبی پروژه‌لر آچیلیشی مهم دیر و آست قورمه پروژه‌لر تطبیق ایتیلیشی خصوصیده سعی‌وحرکت قیلینیشی کیره‌ک.
بیزلرنینگ توییترده هم تعقیب قیلینگ!
سرپل یشاوچیلریدن وحیدالله نینگ ایتیشیچه: «تیل قازیب چیقریلیشی درآمدی، سرپل ولایتی نینگ ترقیاتی و قیته قوریش ساحه‌لریده صرفلنیشی کیره‌ک.»
شونینگدیک، سرپل یشاوچیلریدن باشقه بیری مقدس نهان گه کوره: «سرپل یشاوچیلری اینیقسه ییگیت‌لری ایش بیلن تأمینلنیشینی ایسته‌یمیز، چونکه بو ولایت ده کان کوپ و قازیب چیقریلیش ایشلری باشله‌نیشی بیلن ییگیت‌لر ایش بیلن تأمینلنیش‌لری کیره‌ک.»
شو بیلن بیرگه، کان‌لر و پترولیم وزیرلیگی تامانیدن، شبرغان دن مزارشریف گچه بولگن ۹۴.۵ کیلومتر اوزون‌لیکده‌گی گاز پایپ‌لینینی قیته تعمیرلش ایشی باشلنگن.
