سرپل ولایتی کینگش اعضالری نینگ ایتیش‌لریچه، اوشبو ولایت نینگ صیاد تومنیده طالبان کمین‌نی عاقبتیده، امنیتی کوچلردن ۱۲ ته‌سی هلاک ایتیلگن. اولرنینگ ایتیش‌لریچه، اوشبو واقعه اوتگن کونی عصر چاغیده تاکتیکی ترک قیلیش جریانیده یوز بیرگن.
سرپل ولایتی کینگش اورین باسری سیداسدالله دانش نینگ سلام‌وطندارگه ایتیشیچه، دستلبکی آمارلرگه کوره، صیاد تومنیده طالبان کمین‌نی عاقبتیده، امنیتی کوچلردن ۱۲ ته‌سی هلاک و باشقه ۲۶ ته‌سی یره‌لنگن.
سرپل ولایتی کینگش اورین باسری‌گه کوره، مذکور حربی‌لر صیاد تومنی‌دن چیقه‌دیگن پیتده طالبان کمین‌نی بیلن روپه‌ره بولگن‌لر. سیداسدالله دانش نینگ کوپه‌یتیریشیچه، امنیتی کوچلردن بیرقطاری طالبان قولیگه اسیر بولگن و اولردن بیللی رقم قولگه یوق.
عین‌حالده، سرپل ولایتی کینگش عضوی اسدالله خرم نینگ سلام‌وطندارگه ایتیشیچه، صیاد تومنیده امنیتی کوچلر کوپینچه تلفات کورگن‌لر و حاضرگی شرایط ده بوتوغریده معلومات بیریش یخشی ایمس.
بیراق، ۲۰۹ شاهین قول اردو قومندانلیگی بیر خبرنامه آرقه‌لی، سرپل ولایتی نینگ صیاد تومنیده امنیتی کوچلرنینگ تلفات کورگنی‌نی رد قیلگن.
عین‌حالده، طالبان سوزلاوچیسی قاری یوسف احمدی نینگ ایتیشیچه، اوتگن کونی عصر چاغیده صیاد تومنیده یوز بیرگن واقعه‌ده امنیتی کوچلردن ۴۵ ته‌سی هلاک و باشقه ۲۰ ته‌سی طالبان قولیگه اسیر بولگن.
