مملکت سوو و برق وزیرلیگی رسمی‌لری، سرپل ده «سلطان‌ابراهیم» سوو توغانی بودجه‌سی تصدیقلنگنیدن خبر بیرگنلر.
اسلام امیرلیگی سوو و برق وزیرلیگی سرپرستی عبدالطیف منصور، بوگون (یکشنبه، ۲۳ میزان)، «سلطان‌ابراهیم» سوو توغانینی یقیندن کوزه‌تیش اوچون بارگن ایتیشیچه، دستلبکی تیکشیرو گه بناً، مذکور توغان نینگ توزه‌تیش خره‌جتی ۲۰۰ میلیون دالر تخمین ایتیلگن و اوشبو مقدار پول اسلام امیرلیگی لیدری نینگ بویروغی بیلن قشقری نفت درآمدی دن توله‌نیله‌دی.
بیزلرنینگ فیسبوک صحیفه‌میزگه باش اورینگ!
مملکت سوو و برق وزیرلیگی سرپرستی گه کوره، اوشبو توغان ده بیر میلیون متر مکعب سوو سیغیب و ۴۰ میگاوات برق تولید قیلیش کوچی گه ایگه دیر.
منصور جنابلری نینگ کوپه‌یتیریشیچه، اسلام امیرلیگی ترقیاتی و آست قورمه پروژه‌لرنی عملگه آشیریش خصوصیده سعی‌وحرکت قیلماقده.
شونینگدیک، سرپل حاکمی محمدیعقوب عبدالرحمان اکه، اوشبو پروژه توزه‌تیلیشینی ایکینچیلیک، ایچیملیک سوو و برق تولید قیلیش خصوصیده مهم دیب و ایشی تیزلیک بیلن باشلنیشی اوستیده تاکید ایتگن.
بیزلرنینگ «ایکس» ترماغی ده هم تعقیب قیلینگ!
ایتیش کیره‌ک که، اسلام امیرلیگی باش وزیرلیگی نینگ دفتری عمومی باشلیغی عبدالواسع رئیس، قشقری نفت کانینی کوزه‌تیش چاغیده اوشبو کان نینگ درآمدی بیر بولیمی، سرپل ولایتی نینگ ترقیاتی پروژه‌لری و قیته قوریش ایشلری گه اختصاص بیریلیشینی طلب قیلگن بیرحالده، اوشبو کان نینگ درآمدی دن بیر بولیمی سلطان‌ابراهیم سوو توغانینی توزه‌تیش گه اختصاص بیریلگن.
