اسلام امیرلیگی باش وزیرلیگی نینگ دفتری عمومی باشلیغی، بیر هیئت ییتکچیلیگ ده سرپل ولایتی گه ایش سفری دایره‌سیده، اوشبو ولایت نینگ قشقری نفت کانینی یقیندن باریب کوزه‌تگن.
سرپل حاکمی محمدیعقوب عبدالرحمان اکه، اسلام امیرلیگی باش وزیرلیگی نینگ دفتری عمومی باشلیغی عبدالواسع رئیس، قشقری نفت کانینی کوزه‌تیش چاغیده اوشبو کان نینگ درآمدی بیر بولیمی، سرپل ولایتی نینگ ترقیاتی پروژه‌لری و قیته قوریش ایشلری گه اختصاص بیریلیشینی طلب قیلگن.
بیزلرنینگ فیسبوک صحیفه‌میزگه باش اورینگ!
سرپل حاکمی، عبدالواسع رئیس دن قشقری بلاکی قوریقچیلری سانی کوپه‌یتیریلیشی و مذکور ولایت یشاوچیلری نینگ قیینچیلیک‌لری حلی اوچون دقت قیلیش‌لرینی طلب قیلگن.
شونینگدیک، اسلام امیرلیگی باش وزیرلیگی نینگ دفتری عمومی باشلیغی، سرپل حاکمی گه اوشبو ولایت یشاوچیلری نینگ قیینچیلیگی استه_سیکین حل ایتیلیشی و اولر گه ایش فرصت‌لری یره‌تیلیشیدن ایشانچ بیرگن.
عبدالواسع رئیس، مملکت ده‌گی سرمایه یاتقیزوچیلردن، اولکه ترقیاتی و آبادانچیلیگی و یشاوچیلر گه ایش فرصت‌لری یره‌تیلیشی اوچون، مملکت ده سرمایه یاتقیزیش‌لرینی سوره‌گن.
بیزلرنینگ «ایکس» ترماغی ده هم تعقیب قیلینگ!
سرپل ولایتی محلی مسئوللری نینگ معلوماتی اساسیده، حاضرگی کونده آمو دریا حوزه‌سی قشقری بلاکی ده، توقیز قودوق فعال بولیب و هر کونی تخمیناً ۳۵۰ تُن خام نفت قازیب چیقریله‌دی.
