سوغاریش و ایکینچلیک اوچون قازیلگن چقور قودووق‌لر و شونینگدیک قوروقچیلیک باعث، ایچیم‌لیک سوو قودوق‌لردن قطاری قوریگن دیر که انه شوو سبب، اهالی کوپینچه قیین‌چیلیک بیلن روپه‌ره بولگن.
لوگر ولایتی مرکزی پل علم یشاوچیلریدن نعمت‌الله نینگ سلام‌وطندار گه ایتیشیچه، حکومت و یاردم بیرووچی نهاد‌لر، اهالی نینگ ایچیم‌لیک سوو گه قول تاپیشلری اوچون سوو شبکه‌لری نینگ ایجاد قیلیش‌لری کیره‌ک.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «اویی‌میز‌ده‌گی قودوق و قیشلاغیمیز‌ده‌گی ایچیم‌لیک پاک سوو تامین قیله‌دیگن قودوق‌لردن کوپینچه‌سی قوریگن دیر. اهالی کوپینچه قیین‌چیلیک بیلن روپه‌ره بولگن. حکومت اینیقسه یاردم بیرووچی نهاد‌لر اهالی گه یاردم بیریش‌لری کیره‌ک.»
شونینگدیک محمد‌آغه تومنی نینگ باغ‌دارلریدن محمداکبر نینگ سلام‌وطندار گه ایتیشیچه، قوروقچیلیک سبب، لوگر دریاسی، سوو ترماق‌لری و حتی بعضی منطقه‌لرده باغ‌لر و درخت‌لر قوریگن دیر.
اونینگ ایتیشیچه، اوشبو موسوم‌ده باغدارلر و ایکینچیلر ایکین‌لری نینگ سووغاریش اوچون کوپینچه قیین‌چیلیک بیلن روپه‌ره بولگنلر و قوروقچیلیک دوام قیلگنی صوت‌ده، سوو یاقلیگی نتیجه‌سیده ایکین‌لردن قطاری نینگ اورته‌دن کیتیشی ممکن.
محمداکبر گه کوره: «ایشانینگ که سونگی قوروقچیلیک سبب، لوگر دریاسی قوروگن دیر. سوو ترماق‌لری و ایچیم‌لیک قودوق‌لردن قطاری هم قوریگن دیر. اهالی قیین‌چیلیک بیلن روپه‌ره بولگن چونکه ایکین‌لری نینگ سووغاریلیشی اوچون سوولری یوق.»
لوگر معلومات و مدنیت ریاست رئیسی رفیع‌الله صمیم قوروقچیلیک باعث، اورته گه کیلگن قیینچیلیکلر نی تصدیق‌لب و ایتیشیچه، ولایتی اداره قوروقچیلیک نینگ سلبی تاثیرلری نی کمه‌یتیریش اوچون بیر طرح اوستیگه ایشله‌یدی.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه، قوروقچیلیک باعث، زیان کورگن باغدارلر، ایکینچیلر و عادی اهالی گه یاردم بیریش اوچون سعی و حرکت نینگ دوامی بار.
ایتیش کیره‌ک که، بو ییل مملکت بویلب یوز بیرگن قوروقچیلیک، بیر قطار قیینچیلیکلر نی ایجاد قیلیب و حتی مملکت نینگ منطقه‌لریدن قطاری‌ده اهالی ایچیم‌لیک سوو گه قول تاپه آلمه‌یدیلر.
شونده‌ی بیرحالده، مملکت نینگ تورلی ولایت‌لریده ایکینچیلر قوروقچیلیک سبب، ایکینچیلیک محصوللری نینگ کمه‌یگنی خصوصیده شکایت قیله‌دیلر.
