ترینکوت شهری و ارزگان تومنی یشاوچیلری قورغاقچیلیک باعث زیان کوریب و باغ‌لری ایسه قوریگن. ارزگان ده‌گی دهقان‌لردن قطاری نینگ سلام‌وطندار گه ایتیشلریچه، بو ییل قورغاقچیلیک باعث باغ‌لرینی سوغاره آلمه‌گنلر.
اولر گه کوره، بیر عصردن بویان بوغدای، مکه وباشقه نرسه ایکیب کیلگن ییرلری بو ییر حاصل بیرمه‌گن.
ارزگان ده‌گی دهقان‌لردن سیف‌الله نینگ ایتیشیچه: «اوتکی‌لرده سوو یخشی ایدی و بیز بو ییرده بوغدای و مکه ایکر ایدیک، بیراق حاضر هیچ نرسه ایککن یوق میز. کوپ قیینچیلیکلر بیلن روپه‌ره میز، بو ییل مکه یوق و غله یوق‌لیگی بیلن دوچ میز. حکومت دهقان‌لر اوچون بویوک سوو توغان‌لرینی قوریشی کیره‌ک.»
بیزلرنینگ فیسبوک صحیفه‌میزگه باش اورینگ!
ارزگان یشاوچیلری اسلامی امارت دن، قورغاقچیلیک نینگ منفی اثرلرینی کمه‌یتیریش مقصدیده سعی و حرکت قیلیشینی سوره‌یدیلر.
عین‌حالده، ایکینچیلیک ایش بیلرمان‌لریدن بیر قطاری، مذکور ولایتده اوشبو ییل قورغاقچیلیک نینگ منفی اثرلرینی مثل‌سیز دیدیلر.
ایکینچیلیک فاکولته باشلیغی عبدالشکور کریمی نینگ سلام‌وطندار گه ایتیشیچه، طبیعت نینگ احوالی گه قره‌گنده، کیله‌سی ییل‌لرده قورغاقچیلیک بولیشی کوتیله‌دی. اونگه کوره: «قورغاقچیلیک اثرلرینی آلدینی آلیش اوچون دریالر گه سوو توغانی قوریلیب و اورمان‌لر کیسیلمسلیگی لازم. سوو یخشی مدیریت بولیشی کیره‌ک.»
اونینگ ایتیشیچه، کیچیک سوو توغان‌لری قوریلیشینی آلدینی آلیش گه قوشیمچه، چقور قودوق‌لر قازیلیشینی آلدی آلینیشی لازم.
ارزگان ایکینچیلیک، چارواچیلیک و سوغاریش ریاستی نینگ اطلاعات آمری قدرت‌الله حمیدی نینگ سلام‌وطندار گه ایتیشیچه، فعال نهادلر یاردمی بیلن یامغیر سوولری مدیریت بولیب و قورغاقچیلیک باعث خواطرلرنی کمه‌یتیریش مقصدیده ریجه اوستیگه ایشله ماقده‌لر.
بیزلرنینگ توییترده هم تعقیب قیلینگ!
قدرت‌الله حمیدی نینگ ایتیشیچه: «ییلی ده ولایت بویلب ۱۳۱.۵ ملی متر یاغینگرچیلیک بولر ایدی، عین حالده ییلیده ۲۵۰ ملی متر یامغیرگه نیازیمیز بار. بیز اوز معلوماتیمیزنی وزارت بیلن شریک قیلیب و بویوک سوو توغان‌لری قوریلیشینی طلب قیلگن میز. قورغاقچیلیک طفیلی حاضرگه قدر ۴۰ دن ۵۰ فایز چاروادارلر زیان کورگنلر.»
ایتیش کیره‌ک که، بو ییل ارزگان ولایتی گه قوشیمچه، مملکت مقیاسیده قورغاقچیلیک منفی تاثیر قیلگن حتی بعضی منطقه‌لرده آدم لر نینگ ییچیملیک سووی یوق دیر، بو مسئله ایریم خواطرلر گه سبب بولگن.
