ارزگان ولایتی نینگ بیر قطار تومن‌لر و اوزاق منطقه‌لر یشاوچیلری گه کوره، کوپینچه پیت حیات کیچیره‌دیگنلری منطقه گه واکسیناتورلر نینگ بارمسلیگی سبب، باله‌لری پولیو گه قرشی واکسینی‌دن فایده‌لنه آلمه‌یدی.
اولرنینگ خواطر بیلدیریب ایتیشلریچه، منطقه‌لریده پولیو گه قرشی واکسینی تطبیق بولمه‌گنی صورت‌ده، باله‌لری نینگ بو کسل‌لیککه چلینیشی ممکن.
بیزلرنینگ «ایکس» ترماغی ده هم تعقیب قیلینگ!
ارزگان ولایتی «چارچینو» تومنی یشاوچیلریدن بیری گل‌احمد نینگ ایتیشیچه: «بیزنی منطقه‌میز تاغلی بولگنی باعث کوپینچه پیت‌لر واکسین ییتیشیب کیلمه‌یدی، کیلگنی صورت‌ده هم اوز وقتیده ییتیب کیلمه‌یدی. منطقه‌میزده واکسین نینگ اوز وقتیده ییتیب کیلیشینی ایسته‌یمیز.»
شونینگدیک اوشبو ولایت «ارزگان خاص» تومنی یشاوچیلریدن ولی‌محمد نینگ ایتیشیچه: « ایریم منطقه‌لرده واکسین ییتیشه‌دی، تاغلی بولگن منطقه‌لرگه واکسین ییتیشمه‌ی قاله‌دی، بو سبب مذکور منطقه‌لرنی باله‌لری فلج کسل‌لیگیگه قرشی ایملنمه‌یدی بو ایسه اولرنی دایمی فلج بولیشیگه سبب بوله‌دی»
شونده‌ی بیرحالده، ارزگان ساغیلق‌نی سقلش ریاستی سرپرستی محمد‌الله روحانی نینگ ایتیشیچه، مذکور ولایت نینگ برچه تومن‌لری گه پولیو گه قرشی واکسین تطبیق قیله‌دیگن تیم‌لر نینگ یوباریلیشی و برچه باله نینگ پولیو گه قرشی ایملنیشی خصوصیده سعی و حرکت بوله‌دی.
اونگه کوره، ارزگان ساغلیق‌نی سقلش ریاستی بو ولایت‌ده ۲۴۰ مینگ ۱۹ باله نینگ پولیو گه قرشی ایملنیشی نی نظر گه آلگن که، اولر ارا حاضرگچه ۲۲۹ مینگ ۶۸۵ باله پولیو گه قرشی ایملنیب و پولیو گه قرشی ایملنمه‌گن باله‌لر ایسه بو پروسه نینگ یکونی‌گچه ایملنیشلری ممکن.
بیزلرنینگ فیسبوک صحیفه‌میزگه باش اورینگ!
ارزگان ساغیلق‌نی سقلش ریاستی سرپرستی نینگ ایتیشیچه: «معلوماتیمیز اساسیده، ارزگان ولایتی بویلب واکسین آلیب باریلگن، واکسین ییتیشمه‌ی قالگن هیچ بیر منطقه یوق، ایریم منطقه‌لر کلستر تامانیدن واکسین بولینمه‌ی قالگن بولسه هم قیته او ییر گه واکسین آلیب باریلگن، یعنی عمومی آلگنده ارزگان ولایتیده اوندی بیر منطقه یوق دیر که بوتونله‌ی واکسین‌دن محروم قالگن بولسه.»
ایتیش کیره‌‌ک که، ارزگان یشاوچیلری کوپینچه پیت ساغلیق خذمت‌لردن فایده‌لنه آلمسلیکدن شکایت قیلیب و بو توغریده مسئوللر نینگ توجه قیلیشلری نی ایسته‌گنلر.
