بوگون ایرته‌لب جوزجان ولایتی نینگ تومن‌لری تامان یول آلدیک، اوروش و آتیشمه‌لر گوزل طبیعت نی یاقیب، کولگه اوزگرتیرگن و قطار عایله‌لرهم عزیزلرینی قولدن بیرگنی باعث ماتم‌ده اولتیریشگن.
اوشبو سفردن اصلی مقصد، پول بدلی ده طالبان گروهی‌گه خذمت قیله‌دیگن باله‌لرنینگ تاپیش دیر. اوشبو باله‌لر طالبان گروهی گه ۵۰ افغانی بدلی ده کوپریک‌لر، قتناویول‌لر، امنیتی پوسته‌لر و عامه تاسیسات‌لرگه ماین ییرلشتیرهدی.
شیر محمد (مستعار آت) ۱۴ یاشر بیر باله دیر. او، دولتی تاسیسات‌لرگه ماین ییرلشتیریش اوچون طالبان تامانیدن وظیفه‌لنتیرگن.
شیر محمد نینگ ایتیشیچه، طالبان گروهی ماین ییرلشتیره‌دیگن باله‌لرگه ۵۰ افغانی توله‌یدی و پارتلش‌دن کیین تلفات رقمی کوپ بولگن حالده بیر مینگ افغانی جایزه بیره‌دیلر. شیرمحمد نینگ کوپه‌یتیریشیچه، دولتی تاسیسات‌لرگه ماین ییرلشتیریش‌دن وازکیچگن باله‌لر طالبان تامانیدن کلتکلنه‌دی.
شیر محمد گه کوره، طالبان گروهی نینگ اوشبو برنامه‌سی بیر ییل‌دن بویان جوزجان ولایتی نینگ فیض‌آباد تومنی و جوزجان – بلخ قتناو یولیده عملگه آشیریله‌دی و کوپینچه باله‌لر معلومات توپلش و جوزجان – بلخ قتناو یولیده‌گی دولتی تاسیسات‌لرگه ماین ییرلشتیریش اوچون فعالیت قیله‌دیلر.
اوشبو باله بیلن سوزلشگندن کیین، محلی پولیس کوچلری نینگ قوماندانی بیلن سوزلشدیم و بو قوماندان هم اوشبو مسله‌نی تصدیقله‌دی.
جوزجان ولایتی نینگ فیض‌آباد تومن محلی کوچلر قوماندانی خان محمد گه کوره، طالبان گروهی ماین ییرلشتیریش اوچون باله‌لردن استفاده قیلیب و دولت نینگ اونملی منطقه‌لری همده عامه تأسیسات‌لرنی پارتلته‌دیلر.
قوماندان خان محمد نینگ ایتیشیچه، طالبان گروهی قطار باله‌لرگه ماین ییرلشتیریش، معلومات توپله‌ش، استراتیژی منطقه‌لر و امنیتی کوچلرنی تانیش خصوصده تعلیم بیرگنلر.
طالبان گروهی ماین ییرلشتیریش اوچون یالغیز فیض‌آباد تومنی نینگ باله‌لریدن استفاده قیلمه‌یدی، بلکیم جوزجان ولایتی نینگ آقچه و قوش تپه تومن‌لری نینگ باله‌لریدن هم استفاده قیلیشه‌دی، لیکن اوشبو باله‌لرنینگ عایله‌لری بیز بیلن سوزلشوو گه حاضر بولمه‌یدیلر و اولر بو حقده اوز خواطری نی بیلدیره‌دی.
جوزجان ولایتی نینگ فیض‌آباد، آقچه و قوش تپه تومن‌لریدن اوشبو معلومات نی قولگه کیلتیرگندن کیین، محلی مسووللرنی بو حقده آگاه‌لنتیریش اوچون جوزجان ولایتی نینگ مرکزی شبرغان شهری تامان حرکت قیلدیم.
جوزجان پولیس قوماندانی عبدالواحد وجدان، طالبان گروهی یامان پلان و ریجه‌لرینی عمل گه آشیریش اینیقسه امنیتی کوچلر و عامه تأسیسات‌لرگه ماین ییرلشتیریش اوچون باله‌لردن استفاده قیلیش نینگ تصدیقله‌گن.
جوزجان پولیس قومندانی بیلن سوزلشگندن کیین، بو ولایت حاکمی مولوی لطف‌الله عزیزی بیلن صحبت اوتکزدیم. جناب عزیزی نینگ ایتیشیچه، طالبان گروهی باله‌لردن اوروش مقصدلری اوچون استفاده قیله‌دیلر و طالبان نینگ اوشبو عملی اوروش قانونی گه قرشی دیر.
جناب عزیزی نینگ ایتیشیچه، طالبان گروهی جوزجان ولایتی نینگ خوفسیزلیگی نی بوزیش اوچون برچه گزینه‌لردن استفاده قیله‌دی.
بیراق طالبان گروهی نینگ سوزلاوچیسی ذبیح‌الله مجاهد، طالبان گروهی تامانیدن باله‌لر تعلیم کوریش و ماین ییرلشتیریش اوچون استخدام بولیشی نی رد قیلگن.
