جوزجان ولایتیده بیرقطار یاش ایرککلر و قیزلر ۴ آی تعلیم کورگن‌لریدن سونگ، فنی و حرفوی تعلیمی مرکزدن فارغ بولگن‌لر.
جوزجان ولایتی بوییچه اجتماعی ایشلر ریاستی باشلیغی سید عبدالرشید منصوری نینگ ایتیشیچه، ۱۵۰ یاش قیز و ۸۶ ایرکک موتر ترمیم‌لش، برق، موترسایکل ترمیم‌لش، آرایشگرلیک، بیک تیکیش، خیاط لیک و گل تیکیش خصوصیده ۴ آی تعلیم کورگنیدن سونگ، بوگون “پنجشنبه” فراغت سندینی قولگه کیلتیرگنلر.
جناب منصوری نینگ کوپه‌یتیریشیچه، اوشبو پروژه ۳ میلیون افغانی هزینه کوتارگن و مذکور هزینه اجتماعی ایشلر وزیرلیگی نینگ کینگی‌تیریش بودجه‌سی تامانیدن توللنگن.
جوزجان ولایتی بوییچه اجتماعی ایشلر ریاستی باشلیغی‌گه کوره، اوشبو تعلیم مرکز قیزلر و ایرکک‌لرنی کوچلی قیلیش خصوصیده فعالیت قیله‌دی.
مذکور تعلیمی مرکز دن فراغت سندی قولگه کیلتیرگن بولمیش رازمحمد و فریده نینگ ایتیشیچه، بو شغل‌لر آرقه‌لی قولگه کیریتگن درآمدلری بیلن اوزلری و عایله‌لری نینگ نیازمندلیک‌لرینی حل قیله‌دیلر.
جوزجان حاکمی اورین باسری عبدالقادر مالیه نینگ مذکور فنی و حرفوی مرکزدن فارغ بولگنلرگه شغل ایجاد قیلینیشیدن ایشانچ بیرگن بیرحالده، اوشبو ایرککلر و قیزلر فراغت سندینی قولگه کیلتیرگنلر.
