اسلام امیرلیگی عدلیه وزیرلیگینینگ اعلام قیلیشیچه، جوزجان مرکزیده ۱۴ جریبدن آرتیق ییر امارتی ملک صفتیده تثبیت بولگن.
مذکور وزیرلیکنینگ بوگون (۱۶-جوزا، شنبه)، بیر بیانیه آرقهلی یازیشیچه، شمال زون بوییچه مخصوص محکمه حجتلرنی تیکشیریشدن کیین جوزجان مرکزی حدودلریده ۱۴.۵ جریب ییرنینگ امارتی بولگنیگه قرار آلگن.
بیانیه اساسیده، اوشبو ییر ایکی قطعهده و جوزجان مرکزی حدودلری «جگدلک ککرتک جر کودی» ساحهسیده جایلشگن.
عدلیه وزیرلیگینینگ کوپهیتیریشیچه، افغانستان بویلب دولتگه تیگیشلی غصب بولگن ییرلرنینگ تیکشیریش، تثبیت و قیتهریش جریانی حاضرگچه دوام قیلماقده.
اسلام امیرلیگی قدرت گه ایریشگنیدن کیین، غصب بولگن دولتی ییرلر قیتریلیشی و ییرلر غصب بولیشی آلدی آلینیشی اوچون، مخصوص بیر کمیسیون توزهتیب و حاضرگچه افغانستاننینگ تورلی بولیملریده اونلب جریب ییر امارتی اعلام بولگن.
