جوزجان‌ده اوروش‌لرده قربان بولگن‌لرنینگ عایله‌لری اوشبو ولایت مرکزی شبرغان شهریده تینچلیک ایسته‌ش نامیده بیر ییغین یولگه قوییب اوروش یکونلنتیریلیشی و دایمی آتیش‌کسین ایسته‌گنلر.
اولرنینگ ایتیش‌لریچه، مملکت‌ده ناتینچلیک و اوروش نینگ دوام قیلگنی سبب، بیوه عیال‌لر و یتیم قالگن باله‌لرنینگ سانی کوپه‌یماقده. قربان بولگن‌لرنینگ عایله‌لریگه کوره، بونده‌ی وضعیت قابل قبول ایمس و مفهومی بولمه‌گن اوروش یکونلنتیریلیشی کیره‌ک.
اوروش‌لر سبب، زیان کورگن‌لردن بیری سلیمه نینگ ایتیشیچه، مملکت ده دوامی بولگن قتل، قان توکیش و افغانستان‌نی ویران‌لیگی‌گه سبب بولگن و اونینگ دوام تاپیشی تینچلیک خصوصیده یره‌تیلگن فرصت‌گه زیان ییتیشتیره‌دی.
اونینگ کوپه‌یتیریشیچه، اوروش نینگ دوامی بیوه عیال‌لر و یتیم باله‌لرنینگ کوپه‌یشی‌گه سبب بولگن.
شونینگدیک، اوشبو ییغینده اشتراک قیلگن‌لردن باشقه بیری خدیجه، قتل، اوروش و خودکش هجوم‌نی حرام و ناتوغری عنوان قیلیب ایتیشیچه، اوروش و ناتینچلیکلرنینگ دوام قیلیشی افغانستان‌لیکلر تامانیدن قبول‌لنمه‌یدی.
او، اوروش تامان‌لریدن هیچ‌قنده‌ی مفهومی بولمه‌گن اوروش‌نی یکونلنتیریب و تینچلیک اوچون سعی و حرکت قیلیش‌لرینی سوره‌گن.
عین‌حالده، اوشبو ییغین‌نی یولگه قوییگن‌لرنینگ مملکت‌ده دوامی بولگن اوروش‌نی ناتوغری عنوان قیلیب ایتیش‌لریچه، دوامی بولگن اوروش کون اوتیش بیلن اهالیدن قربان‌لیک آله‌دی و توخته‌تیلیشی کیره‌ک.
اوشبو ییغین‌نی یولگه قوییگن‌لردن بیری سیدرسول سادات نینگ ایتیشیچه، عزت‌لی تینچلیک و بوتون یوتوق‌لرنینگ سقله‌نیشی مملکت یشاوچی‌لری نینگ اساسی ایستک‌لریدن دیر و اوروش تامان‌لرینی اهالی ایستک‌لریگه دقت قیلیشی کیره‌ک.
جناب سادات نینگ کوپه‌یتیریشیچه، افغانستان یشاوچی‌لری اوروش و ناتینچلیک‌دن خسته بولگنلر و اجتماعی عدالت و بیردم‌لیک تامین ایتیله‌دیگن تینچلیک‌نی ایسته‌یدیلر.
اوشبو تینچلیک ایسته‌یش حرکت، نیچه ماده‌لیک شرطنامه صادر ایتیلیشی بیلن یکونلندی و مذکور شرطنامه‌ده اوروش یکونلنتیریلیشی و دایمی آتیش‌کسین قیلینیشی اوستیگه تاکید ایتیلگن.
