ژنوا خلق ارا ییغینی ایکی کون آلدین سویس‌ده یولگه قوییلگن ایدی، اوتگن کیچه کیچ قورون یکونلندی و بو ییغنده افغانستانگه ۱۲ میلیارد دالر یاردم وعده بیریلگن.
اوشبو یاردم‌لر انسان حقوقی رعایت قیلینیشی و طالبان بیلن بولگن سوزلشوولرنینگ نتیجه بیریشیگه شرط لی دیر.
آمریکا اوشبو ییغنده افغانستانگه ۶۰۰ میلیون دالر یاردم بیریش‌نی بیلدیرگن و اونینگ یریمی‌نی طالبان بیلن دوامی بولگن سوزلشوولرنینگ یوتوق‌لیگی گه تیگیشلی دیگن. آلمان ۵۱۰.۸۸ میلیون دالر، اروپا بیرلیگی ۱.۲ میلیارد یورو، کانادا ۲۷۰ میلیون دالر و ایتالیا ۳۵ میلیون یورو افغانستانگه یاردم بیریشدن وعده بیرگن.
اوشبو ییغینده باشقه مملکت‌لر جمله‌دن بریتانیا اوز تعهدلرینی یالغیز بیر ییل‌لیک اعلام قیلگن‌لر.
بریتانیا، ییلده ۲۲۷ میلیون دالر و فرانسه ۱۰۲.۲۰ میلیون دالر یاردم بیریشی‌نی بیلدیرگن.
ایران تشقی ایشلر وزیری محمدجواد ظریف نینگ ویدیویی بیر پیام آرقه‌لی ایتیشیچه، افغانستان نینگ اهالی‌سینی اولویت گه قرار تاپیشی کیره‌ک. ایران تشقی ایشلر وزیری، چیت‌ایللیک کوچلرنینگ اوشبو مملکت دن چیقیشی‌نی مسوولانه بیر حرکت عنوان قیلیب و تینچلیک تامین‌لنیش اوچون ایجابی تاثیر قویه‌دی دیگن.
پاکستان تشقی ایشلر وزیرلیگی، پاکستان اولکه‌سی افغانستان امنیتی قبالیده بیرگن سوزلرینی عملگه آشیریش نی اعلام ایتگن. پاکستان اولکه‌سی، افغانستان‌لیک طلبه‌لر و ایشلاوچی‌لر خرجتی‌نی توللش خصوصده اشاره ایتیب و پاکستان افغانستانده تینچلیک تامین بولیش اوچون یاردم بیریشی ممکن دیگن.
انه‌شوحالده هند تشقی ایشلر وزیرلیگی، کابل یقینیده بولگن “شاه‌توت بندی” نینگ بوتون خرجتی نی هند اولکه‌سی بیریشده سوز بیرگن.
بیرلشگن ملت‌لر تشکیلاتی نینگ باش‌کاتبی آنتونیو گوتریش اوز سوزلری دوامیده، افغانستانده‌گی سونگی زوروانلیک‌لر اینقسه کابل بیلیم یورتیده قطار طلبه‌لر اولدیریلگنی‌نی خصوصده قیغوداشلیگی‌نی بیلدیرگن.
خانم گوتریش، افغانستان جماعه‌سیده عیاللر نقشی و آلغه باریشی خصوصده اشاره ایتیب: ” سونگی ماجرالرده افغان عیاللر کوپینچه قربان‌لیک بیردی، و زوروانلیک هدفی آستیده قرار بیریلگن، لیکن یینه‌هم قطار قیزلر تحصیل قیلیشده قادر بولدی و قطار افغان عیاللر هم اونملی پست‌لرده ایش قیله‌دیلر، بوندی اونملی ارزش‌لر کوچ‌لنتیریلیب سقله‌نیشی لازم”.
هر تورت ییلده بیر مرته ژنوا ییغینی بولیب اوتیشدن اصلی هدف، افغانستانده تینچلیک تامین بولیش خصوصده دنیا جماعه‌چیلیگی نینگ قیته توللنمه‌یدیگن یاردم‌لرنی قولگه کیلتیریش بولگن.
