افغانی پول نینگ دالر مقابلی ده نظیری کوریلمهگن شکلده بهاسی قویی توشگنی دن علاوه، سونگی کونلر ده مملکت بازارلریده مخصوصاً تخار مرکزی تالقان شهریده ییگولیک مادهلر نینگ بهاسی آشگن.
تالقان شهری نینگ یشاوچیلری، ییگولیک مادهلر نرخی آشگنی دن شکایت قیلیب ایشسیزلیک یانیده ییگولیک مادهلر بهاسی یوقاری کیتیشی، یشاوچیلر حیاتی نی یمان وضعیت گه یوزمه یوز قیلگن، و دستلبکی مادهلر نی ساتیب آلیشگه کوچلری ییتمهیدی، دیدیلر.
تالقان شهری نینگ دکاندارلریدن بیری نظامالدین نینگ ایتیشچه، «ایش میش یوق، بیر ۱۳۵ افغانی و عادی اهالی بو فقر و ایشسیزلیک نیمه قیلسینلر. بیر بوشکه یاغ قیمتی ۵۰۰ افغانی ایدی حاضر ۱۳۰۰ افغانی گه ییتیشگن.»
بیزلرنینگ فیسبوک صحیفهمیزگه باش اورینگ!
دستلبکی مادهلر و نفت و گاز بهاسی تالقان اهالی سی نینگ خواتیرلرینی آرتدیرگن بیرحالده، اولر اسلامی امارت حکومتی دن، بازارلرده نرخ ونوا نی کنترول ایتیشلری نی ایستهیدی.
تالقان شهری نینگ ریکشا هیداوچیلریدن عارف نینگ ایتیشیچه،«مینی ایشلریم ده اوزگریشلر کیلگن. بیر لیتر تیل بهاسی ۳۵ و ۴۰ افغانی ایدی، حاضر ۱۲۰ افغانی بولگن. بو ریکشالر بیلن قندی ایشلهیلیک، اوی خرجتی نی قندی تاپهیلیک؟»
تالقان شهری نینگ باشقه بیر ریکشا هیداوچیسی گلمحمد نینگ ایتشیچه، «بیر برنج ۵۰۰ افغانی گه ییتیشگن، و بیر وون ۳۰۰ افغانی گه. بیز غریبلر قندی قیلیب بو ریکشا بیلن پول تاپهیلیک؟»
بو عین حالده که، تخار اسلامی امارت معلومات و مدنیت رییسی انصارالله انصارنینگ ایتیشچه، دستلبکی ییگولیک مادهلر بهاسی یوقاری کیتیشی مملکت بویلب بیر قیینچیلیک سنله دی، و نرخ و نوا کنترول ایتیلیشی اوچون کمیسیون ایجاد بولگنی دن خبر بیره دی.