کابل یشاوچیلریدن قطاری ییگولیک مادهلر بهاسی نینگ یوقاریلیگیدن شکایت قیلیب و کابل بلدیهسیدن نرخلر نینگ کنترول و تیکشیریلیشی نی ایستهگنلر.
شوندهی بیرحالده، کابل یشاوچیلریدن قطاری، شهر بازارلریده ییگولیک مادهلر بهاسی نینگ یوقاریلیگیدن شکایت قیلیب و ایتیشلریچه، مذکور وضعیت سبب، اهالی ییگولیک ماده آلیش گه کوچی ییتیشمهیدی.
کابل یشاوچیلریدن وحید نینگ سلاموطندار گه ایتیشیچه: «مملکتده ییگولیک مادهلر قیمتی جودهیم آشگن دیر و اون، یاغ و برنج کبی ییگولیک مادهلر نی آلیش گه اهالی نی کوچی ییتیشمهیدی، شونینگدیک کابل شهریده بیر سیر پمیدار ۴۰۰ افغانی و پیاز ایسه ۵۵۰ افغانی گه ییتیشگن.»
بیزلرنینگ فیسبوک صحیفهمیزگه باش اورینگ!
شونینگدیک کابل یشاوچیلریدن باشقه بیری فخرالدین عالم نینگ ایتیشیچه: «ییگولیک مادهلر بهاسی پایتختده کوپهیگن و اسلام امیرلیگی بو کبی قیمت ساتهدیگن کیشیلر نی قولگه آلیشی کیرهک.»
عین حالده، کابل بلدیهسی ایکی هفته آلدین بیر نرخنامه آرقهلی ییگولیک مادهلر بهاسی نی بیللی قیلگن دیر.
بیراق کابل شهریدهگی دوکانلر نینگ ایتیشلریچه، کابل بلدیهسی نینگ نرخنامهسی ییگولیک مادهلر بهاسی نینگ یوقاری کیتیشی سبب، تطبیق بولیشی ممکن ایمس.
دوکانلردن بیری غلاممحمد نینگ ایتیشیچه: «نرخلر قیمت دیر. شکر نرخی ۲۷۰۰ افغانی ایدی و بوگون ایسه ۳۲۵۰ افغانی بولگن و اوتمیشده ۶۰ افغانی ساتهر ایدی و حاضر ایسه ۷۰ فغانی ساتهمیز. بیراق بلدیه نرخنامهسیده ۵۹ افغانی دیر. نرخنامهده برنج نی کیلوسی ۱۲۰ افغانی دیر. برنج ۱۳۰ افغانی کیلهدی، چونکه تجار ییگولیک مادهلرنی یوقاری قیمت بیلن آلیب کیلهدی و بیزلر آلگنیمیز قیمت گه قرهب ساتهمیز.»
شونینگدیک دوکانلردن باشقه بیری شیرعالم نینگ ایتیشیچه: «نرخنامه تعیین بولگنیدن بیری تاوان قیلدیک، ییگولیک مادهلر ساتیلهدیگن شرکتلردن نرخلر نینگ اصلاح بولمهگنی تقدیرده ییگولیک مادهلر نی آز هزینه بیلن ساتهآلمهیمیز.»
شوندهی بیرحالده، کابل بلدیهسی نینگ ایتیشیچه، اوشبو نرخنامه اساسیده ییگولیک مادهلر نی ساتمهی و تخلف قیلگن کیشیلر، عدلی و قضایی نهادلر گه معرفی بولیشلری ممکن.
بیزلرنینگ توییترده هم تعقیب قیلینگ!
کابل بلدیهسی نینگ آماری اساسیده، اوتگن بیر هفتهده بلدیه نرخنامهسی نی رعایت ایتمسلیک سبب، اونلرچه دوکان نی مهرولاک قیلگنلر.
کابل بلدیهسی سوزلاوچیسی نعمتالله بارکزی نینگ ایتیشیچه: «کابل بلدیهسی ایکی هفتهدن بویان دوکانلر گه نرخنامه تعیین قیلگن و ۱۵۰دن آرتیق دوکان قیمت ساتیش و بو نرخنامه نی رعایت قیلمسلیگی سبب، مهرولاک بولگن.»
ایتیش کیرهک که، هر ییل رمضان آییده کابل شهریده ییگولیک مادهلر بهاسی کوپهیهدی و شونینگدیک بلدیه نرخلر نینگ کنترول قیلیش خصوصیده کوچی ییتیشمهیدی.