روسیه نینگ افغانستان ایشلری بوییچه مخصوص نماینده‌سی ضمیر کابلوف میدیالر بیلن اوتگزگن صحبتیده ایتیشیچه، بو مملکت؛ اسلامی امارت نینگ روسیه‌ده افغانستان ایلچیلیگیده نیچه دیپلومات قبول قیلینیش التماسینی قبول قیله‌دی.
روسیه «ایزوستیا» دولتی کونده‌لیگی بیلن صحبت اوتگزگن کابلوف نینگ ایتیشیچه، اسلامی امارت افغانستان نینگ روسیه ده‌گی ایلچیخانه سیده ایکی-اوچ دیپلومات قبول قیلیشینی التماس قیلگن، بو التماس مذکور ایلچی‌خانه‌ده افغانستان نینگ حاضرگی ایلچیسی سیدطبیب جواد برطرف بولیش معناسیده ایمس.
بیزلرنینگ فیسبوک صحیفه‌میزگه باش اورینگ!
گرچند اوشبو ایلچی‌خانه‌ده افغانستان نینگ حاضرگی نماینده‌سی بو طلب گه قرشی‌لیک کورستگن، بیراق روسیه نینگ مخصوص نماینده‌سی گه کوره، هر بیر مملکت نینگ دیپلومات‌لری حقیده، تشقی ایشلر وزیرلیگی قرار قیله‌دی و ایلچی بو توغریده قرار آلمه‌یدی.
او نینگ اورغولشیچه، اسلامی امارت دیپلومات‌لری کیلیشی، افغانستان رسمی‌لری و ایلچیخانه لری نینگ ایشی دیر و روسیه بو گَل ایش‌لرگه اره‌لشمه‌یدی.
کابلوف بوندن آلدین روسیه میدیالری بیلن اوتکزگن صحبت لریده، اسلامی امارت همه شمول حکومت و بشر حقوقی تامین ایتیلیشی اوچون اقدام قیلگن تقدیرده، روسیه اسلامی امارت رسمیت گه تانیلیشی اوچون همکارلیک قیلیشینی بیلدیرگن ایدی.
اوشبو بیانات‌لر عین‌حالده پایله‌شیلماقده که افغانستان اسلامی امارت قدرت‌نی قولگه آلیشی‌دن ۵ آی‌دن کوپ اوتسه‌ده، لیکن هیچ بیر مملکت حاضرگچه اوشبو حکومت‌نی تن آلمه‌گن.
بیزلرنینگ توییترده هم تعقیب قیلینگ!
حاضرگه قدر افغانستان نینگ پاکستان ده‌گی ایلچیلیگیده اسلامی امارت نماینده‌لری رسمی روشده تعینلنگن و باشقه مملکت‌لر نینگ هنوزگچه اسلامی امارت بیلن دیپلوماتیک مناسبت‌لری یوق.
