لوگر، میدان‌وردک، غزنی، زابل، قندهار، لغمان، نورستان، ننگرهار، بغلان، سرپل، هرات، بلخ، فاریاب و باشقه بیرقطار ولایت‌لرده آتیشمه‌نی دوامی بار.
لغمان ولایتی نینگ بیرقطار تومن‌لریده طالبان جنگریلریگه قرشی حربی عملیات دوام قیلماقده و دولت رسمی‌لری نینگ ایتیش‌لریچه، طالبان نینگ هجومی کیینگه اوریلگن.
لغمان حاکمی اورین باسری رحمت‌الله یارمل نینگ ایتیشیچه، مذکور عملیات‌لرده طالبان کوپ قطار جنگریلری هلاک و یره‌لگن، لیکن طالبان سوزلاوچیسی ذبیح‌الله مجاهد نینگ ایتیشیچه، لغمان ده تصرف ایتیلگن منطقه‌لر حاضرده هم نظارت‌لریگه دیر.
سلام‌وطندار اوزبیک بولیمی‌نی فیسبوک‌ده تعقیب قیلینگ
شونینگدیک، اوتگن کیچه ننگرهار ولایتی نینگ اچین تومنیده طالبان جنگریلری و امنیتی کوچلر آره‌سیده آتیشمه یوز بیرگن.
عین‌حالده، نورستان حاکمی حفیظ عبدالقیوم نینگ ایتیشیچه، طالبان جنگریلری اوتگن کیچه اوشبو ولایت نینگ دوآب تومنی اوستیگه هجوم قیلگنلر، لیکن اولرنینگ هجوم‌لری کیینگه اوریلگن و طالبان جنگریلریگه کوپینچه تلفات ییتیشگن.
- لوگر ناتینچلیک‌لری؛ یالغیز پل‌علم ده ۳۷۱ باله شاقه ایش‌لرنی انجام بیریش‌گه مجبور بولگنلر
- ناتینچلیک تعلیم کوریش‌گه توسیق بولمه‌یدی؛ فاریاب‌لیک عیال آواره‌لرگه تعلیم بیره‌دی
- لوگر ده ناتینچلیکلر سبب، مکتب‌لرنینگ ایشیگی قیزلر یوزیگه باغلنگن
شونینگدیک، لوگر ولایتی یشاوچی‌لریدن بولمیش احمدشاه و کامران نینگ اوشبو ولایتده امنیتی وضعیت یمان بولگنیدن خواطر بیلدیریب ایتیشیچه، بو ولایت نینگ بیرقطار تومن‌لریده کوپ قطار امنیتی پوسته‌لر طالبان قولیگه سقوط قیلگن.
عین‌حالده، لوگر ولایت مقامی تامانیدن نشر ایتیلگن خبرنامه‌ده ایتیلیشیچه، طالبان جنگریلریگه قرشی اویوشتیریلگن هجوم نتیجه‌سیده، ۱۳ طالب هلاک و باشقه ۸ طالب یره‌لنگن. لوگر ولایت مقامی‌گه کوره، تیزلیک بیلن تازه‌لش عملیات یولگه قوییله‌دی.
زابل و قندهار یشاوچیلری هم ناتینچلیکلر کوپه‌یگنیدن خواطر بیلدیرگنلر. اولرنینگ ایتیش‌لریچه، آتیشمه‌لر نتیجه‌سیده کوپ قطار تینچ اهالی آواره بولگنلر.
بلخ، فاریاب، جوزجان، سرپل و بغلان ولایت‌لریده هم طالبان جنگریلری بیرقطار پوسته‌لر اوستیگه هجوم قیلگنلر.
بغلان ولایتی کینگشی نینگ سابق عضوی محمدظریف ظریف نینگ ایتیشیچه، بغلان مرکزی و نارین تومن‌لریده طالبان نینگ هجوم‌لری شدتلنگن.
عین‌حالدهَ، ملی مدافعه وزیرلیگی، بیرقطار ولایت‌لرده ناتینچلیکلر کوپه‌یگنی‌نی تصدیق‌لگن. اوشبو وزارت رسمی‌لری نینگ ایتیش‌لریچه، طالبان گروهی تینچلیک ییغینی عرفه‌سیده هجوم‌لرینی شدت لنتیریش بیلن امتیار قولگه کیلتیریشی‌نی ایسته‌یدی.
ملی مدافعه وزیرلیگی سوزلاوچیسی روح‌الله احمدزی نینگ ایتیشیچه، طالبان جنگریلری نینگ کوپ‌قطار هجوم‌لری امنیتی و دفاعی کوچلر تامانیدن آرتده اوریلگن.
ایتیلیشیچه، امنیتی کوچلر و طالبان جنگریلری آره‌سیده اوروش شدت‌لنگنی سبب، مملکت یشاوچی‌لریدن کوپ قطاری جای‌سیز بولگنلر و یمان وضعیتده حیات کیچیره‌دیلر.
