خوست یشاوچیلریدن قطاری خواطر بیلدیریب ایتیشلریچه، اوشبو ولایتده اوتگن اوروشلر جریانیدن پارتلمه‌ی قالگن مادهلر نینگ پارتلشی، اهالی حیاتی نی تهدید قیله‌دی.
اولر نینگ کوپه‌یتیریشلریچه، مذکور ولایت مرکزی و تومنلریده اوشبو مادهلر نینگ پارتلشی، دایم اهالی نینگ تلفاتی گه سبب بولگن و مسئوللر مذکور منطقه‌لر نی تازه‌لشلری کیره‌ک.
بیزلرنینگ توییترده هم تعقیب قیلینگ!
خوست نینگ نادر‌شاه‌کوت تومنی یشاوچیسی حاجی مامور نینگ ایتیشیچه، ۱۴ یاشر اوغلی رمضان آیی‌ده باشقه باله‌لر بیلن اوینش گه مشغول بولگنی چاغیده، ماین پارتلشی سبب، هلاک بولگن دیر.
شونینگدیک اوشبو تومن یشاوچیلریدن باشقه بیری نواب نینگ ایتیشیچه، نیچه مدت آلدین ۹ یاشر اوکه‌سی باشقه بیر باله بیلن، پارتلمه‌ی قالگن ماده نینگ پارتلشی نتیجه‌سیده، هلاک بولگن و شونینگدیک ۵ یاشر بیر باله ایسه یره‌لنگن.
خوست امنیه قوماندانلیگی سوزلاوچیسی متغفر گربز نینگ سلام‌وطندار گه ایتیشیچه، مرکز گه علاوه، اوشبو ولایت نینگ بیش تومنی‌‌ده، حاضرگچه پارتلمه‌ی قالگن مادهلر اهالی جانی نی تهدید قیله‌دی. اونگه کوره، پارتلمه‌ی قالگن مادهلر نینگ تازه‌لش پروسه‌سی باشلنگن.
خوست امنیه قوماندانلیگی سوزلاوچیسی نینگ کوپه‌یتیریشیچه: «صبری، موسی‌خیل، قلندر، نادر‌شاه‌کوت و شمل کبی خوست نینگ بیر قطار تومنلریده پارتلمه‌ی قالگن مادهلر موجود دیر که، کوپینچه وقت اهالی‌دن تلفات آله‌دی.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، جناب گربز نینگ کوپه‌یتیریشیچه، اسلام امیر‌لیگی نینگ قدرت گه ایریشگنیدن بویان، خوست ده پارتلمه‌ی قالگن مادهلر نینگ پارتلشی سبب، ۴ کیشی اولیب و ۱۳ کیشی ایسه یره‌لنگن.
