بوکون‌لرده مزارشریف شهریده خودکش هجوم‌لرگه علاوه، جنایی جرم‌لر و ریجه‌لنگن ترورلر هم کوپه‌یگن.
اوتگن کون کیچ قورون موترسایکل گه مینیلگن ایکی کیشی، ۲۰ یاشر بیر ییگیت نی اوققه توتیب اولدیرگن و شونینگدیک باشقه ایکی کیشی نی یره‌لنتیرگن.
مذکور حادثه ده یره‌لنگن‌لردن بیری آی مراد، یشاوچیلرنینگ خوفسیزلیگی تأمین‌لنیشی خصوصیده، پولیس نی توجه‌سیزلیک و برنامه‌سیزلیک که عیبله‌گن.
شونینگدیک بلخ یشاوچی‌لریدن قطاری یمان وضعیت توغریسیده خواطر بیلدیریب و مزارشریف نینگ امنیتی خصوصیده پولیس نی توجه‌سیزلیککه عیبله‌گن.
ابوعلی سینای بلخی کسلخانه آمری غوث‌الدین انوری نینگ سلام‌وطندارگه ایتیشیچه، اوتگن بیر هفته‌ده هلاک و تن جراحتی کوتارگن ۱۴ تینچ‌اهالی و حربی بو کسلخانه گه انتقال بیریلگن.
بلخ حاکمی سوزلاوچیسی منیراحمد فرهاد نینگ ایتیشیچه، جنایی جرم‌لرنی کمه‌یتیریش خصوصیده پولیس گه بویروغ بیریلگن.
مزارشریف شهری اوتگن ایکی هفته‌ده نیچه مقناطیسی ماین پارتلش حادثه‌سیگه شاهد بولگن.
بلخ یشاوچی‌لریگه کوره، اوشبو یمان وضعیت اهالی نی کوپ خواطرلنتیرگن.
