ساغلیک وزیرلیگی نینگ اعلام قیلیشیچه، اوتگن ۲۴ ساعت ده مملکتده کرونا گه چلینگن ۱۰ کسل جان بیرگن و ۳۶۵ ینگی ایجابی واقعه قید ایتیلگن. مذکور ایجابی واقعه‌لر مملکت نینگ ۲۴ ولایتیده قید ایتیلگن.
ساغلیک وزیرلیگی بوگون (چهارشنبه ۱۵- ثور) کرونا ویروسی توغریسیده کونده‌لیک گزارشی نینگ ترقه‌تیش بیلن ایتیشیچه، اوتگن بیر کیچه‌وکوندوز ده کرونا گه شبهه‌لی ۱ مینگ و ۹۹۳ کسل تیکشیریلگن. مذکور پیتده کرونا گه چلینگن ۵۶ کسل ایسه دارولنگن.
سلام‌وطندار اوزبیکی نی فیسسبوککه تعقیب قیلینگ!
ساغلیک وزیرلیگی نینگ گزارشی اساسیده، مملکتده کرونا ویروسی نینگ بیرینچی ایجابی واقعه‌سی قید ایتیلگنیدن بویان بو ویروس گه شبهه‌لی ۴۱۲ مینگ و ۷۹۸ کیشی تیکشیریلگن. بولردن ۶۱ مینگ و ۱۶۲ ته‌سی کرونا ویروس گه چلینگنی انیق‌لنگن و ۲ مینگ و ۶۶۴ ته‌سی بو ویروس باعث جان بیرگن. شونینگدیک حاضرگچه کرونا گه چلینگن ۵۳ مینگ و ۷۵۰ کیشی قیته دارولنگن.
عین حالده، دنیا ده حاضرگچه ۱۵۴ میلیون و ۹۹۸ مینگ دن آرتیق کیشی کرونا گه چلینگن. بولردن ۳ میلیون ۲۴۱ مینگ دن آرتیغی جان بیرگن و ۱۳۲ میلیون و ۴۸۵ مینگ دن آرتیغی ایسه قیته دارولنگن.
کرونا نینگ کوپینچه ایجابی واقعه‌لری آمریکا، هندوستان، برزیل، فرانسه، روسیه و انگلستان مملکت‌لریده قید ایتیلگن. آمریکا ده کرونا ویروسی نینگ بیرینچی ایجابی واقعه‌سی قید ایتیلگنیدن بویان ۵۹۲ مینگ دن آرتیق کیشی بو ویروس باعث جان بیرگن.
