کرونا ویروسی ترقهلگنیدن بویان هند اینگ یمان کونلرنی تجربه قیلماقده. کسلخانهلرده بوش یاتاق تاپیلمهیدی، آکسیجن بهاسی یوقاری کیتگن و کوپ قطار قبرستانلرده جسدلرینی یاندیریش اوچون جای تاپیلمهیدی.
رسمی آمارلرگه کوره، اوتگن بیر کیچه و کندوز ده کرونا ویروسیگه چلینگنلردن 3 مینگ و 285 تهسی دنیا دن اوتگن و انهشو مدتده 362 مینگ و 902 کیشی کرونا ویروسیگه چلینگن.
ایتیلیشیچه، هندوستان ده سونگی 3 کون جریانیده بیر میلیون دن آرتیق کیشی کرونا ویروسیگه چلینگن.
رسمی آمارلرگه کوره، هندوستان ده کمیده 18 میلیون کیشی کرونا ویروسیگه چلینگن و بو جملهدن 201 مینگ تهسی دنیا دن اوتیب و باشقه 15 میلیون تهسی درمانلنگن دیر.
ایتیلیشیچه، اوشبو مملکتده کرونا ویروسیگه چلینگنلر و دنیا دن اوتگنلرنینگ واقعی رقمی کوپ دیر؛ چونکه کسلخانهلرگه مراجعت قیلمهگن کیشیلر اعلان ایتیلگن آمارلرگه شامل بولمهیدی.
