رمضان هییتی عرفه‌سیده یشاوچی‌لری نینگ اجتماعی فاصله و ساغلیک توصیه‌لرنی رعایت قیلمه‌گنی سبب، کرونا ویروسی‌گه چلینگن‌لرنینگ سانی کوپه‌یب بارماقده.
ساغلیق‌نی سقلش وزیرلیگی سوزلاوچیسی نینگ اورین باسری میرویس علی‌زی نینگ ساغلیک توصیه‌لر اهالی تامانیدن رعایت قیلینمه‌گنیدن خواطر بیلدیریب ایتیشیچه، رمضان هییتی‌ده یوریش و ساغلیک توصیه‌لر اینقسه اجتماعی فاصله، ماسک کییش و قول یوویش‌نی رعایت قیلمه‌گن صورتده، کرونا ویروسی‌گه چلینگنلر و قربان بولگن‌لرنینگ کوپه‌یشی ممکن.
جناب علی‌زی نینگ کوپه‌یتیریشیچه، ایران، پاکستان و هندوستانده کرونا ویروسی‌گه چلینگنلر و قربان بولگن‌لر کوپه‌یگن حالده، افغانستانده هم بو ویروس‌گه چلینگن‌لرنینگ سانی کون اوتیش بیلن کوپه‌یب بارماقده و اورتلمه شکلده کونده ۲۰۰ دن باشلب ۲۵۰ کیشی کرونا ویروسی‌گه چلینه‌دی و شونینگدیک ۵ دن باشقه ۱۰ کیشی دنیا دن اوته‌دی.
عین‌حالده، مملکت یشاوچی‌لریدن بیرقطاری، ایران، هند و پاکستانده کرونا ویروسی‌گه چلینگنلر و قربان بولگن‌لرنینگ سانی کوپه‌یگنی و افغانستان یشاوچی‌لری نینگ اوشبو مملکت‌لرگه باریب کیلیش‌لریدن خواطر بیلدیریب ایتیش‌لریچه، یشاوچی‌لر ساغلیق توصیه‌لرنی رعایت قیلمه‌ی و مذکور مملکت‌لرده سفرلرینی دوام بیرگن حالده، افغانستان اینقسه چیگره‌لرده قرار تاپگن ولایت‌لر یمان کون‌لرنی تجربه قیلیشی ممکن.
ساغلیق‌نی سقلش وزیرلیگی تامانیدن بیریلگن آمارلرگه کوره، اوتگن ۲۴ ساعت جریانیده مملکت بوییچه کرونا ویروسی‌گه چلینگن‌لردن ۱۲ ته‌سی دنیا دن اوتیب و باشقه ۲۲۱ ینگی ایجابی واقعه قید ایتیلگن.
