محمدعلی جناح کسلخانه‌سی نینگ کووید ۱۹ خاص بولیمی ۱۰۰ یاتاق ظرفیتی بیلن ساغلیق‌نی سقلش وزیرلیگی تامانیدن افتتاح ایتیلدی.
ساغلیق‌نی سقلش وزیرلیگی سرپرستی وحید مجروح نینگ اوشبو مرکز آچیلیش مراسمیده ایتیشیچه، کرونا ویروسی‌گه چلینگن‌لرنی درمانلش اوچون اکسیژن ایشلب چیقاره‌دیگن ایسکونه بیلن تجهیزلنگن بو بیرینچی کسلخانه دیر.
جناب مجروح نینگ ایتیشیچه، کیله‌سی ۲ یا-ده ۴ هفته ده مملکت نی یمان وضعیتده گواه بولیشی ممکن و یشاوچی‌لرنی ساغلیک توصیه‌لرگه دقت قیلیش‌لری کیره‌ک.
ساغلیق‌نی سقلش وزیرلیگی نینگ کوپه‌یتیریشیچه، مملکتده اکسیژن نینگ کم‌لیگی ساغلیک بولیم برابریده بولگن اساسی قیین‌چیلیکلردن. اونینگ ایتیشیچه، کابلده اکسیژن ایشلب چیقاریش بولیمیده ۷ ایسکونه فعالیت قیله‌دی.
جناب مجروح نینگ اوشبو خبری ییغین‌ده ایتیشیچه، کیله‌سی کونلرده کوپراق چیکلاو یرهتیلیشی ممکن.
شونینگدیک، بوگون “پنجشنبه” افغانستان بوییچه ساغلیق‌نی سقلش وزیرلیگی نینگ اعلان قیلیشیچه، اوتگن بیر کیچه و کوندوز ده کرونا ویروسی‌گه شبهه‌لی ۴ مینگ و ۳۹۲ کیشی دن آلینگن نمونه‌لر سیناو دن اوتکزیلگن و بوجمله‌دن ۱۵۰۹ ته‌سی نینگ نتیجهسی ایجابی تانیلگن.
ساغلیق‌نی سقلش وزیرلیگی‌گه کوره، مذکور مدت‌ده کرونا ویروسی‌گه چلینگن‌لردن ۳۴ ته‌سی هلاک و باشقه ۱۰۷ ته‌سی درمان‌لنگن دیر.
ساغلیق‌نی سقلش وزیرلیگی تامانیدن بیریلگن آمارلرگه کوره، مملکت ده کرونا ویروسی ترقه‌لگنیدن حاضرگه‌قدر ۷۶ مینگ و ۶۵۳ کیشی بو ویروس‌گه چلینگن و بو جمله‌دن ۳ مینگ و ۶۸ ته‌سی دنیا دن اوتگن.
شونینگدیک، دنیا بوییچه ۱۷۲ میلیون و ۴۵۵ مینگ کیشی کرونا ویروسی‌گه چلینگن و بوجمله‌دن ۳ میلیون و ۷۰۷ مینگ کیشی دنیا دن اوتیب و باشقه ۱۵۵ میلیون و ۱۰۶ مینگ کیشی درمان‌لنگن دیر.
