بیرلشگن ملت‌لر تشکیلاتی باش کاتبی نینگ افغانستان اوچون مخصوص نماینده‌سی دیبرا لاینز، اوتگن کونی اوشبو تشکیلات خوفسیزلیک کینگشی نینگ افغانستان خصوصیده بولیب اوتگن ییغینیده، خلق‌ارا همجمعیت‌دن، اوشبو مملکت اقتصادیاتی قوللشینی آلدینی آلیش آچون چاره کوریشینی طلب قیلدی.
بانو لاینز، افغانستان‌ده بیرلشگن ملت‌لر تشکیلاتی یا یوناما نینگ اورین باسرلیک هیأت دفتر باشلیغی دیر اوشبو ییغینده ایتیشیچه: «حاضر افغانستان اقتصادیاتی خصوصیده چاره کوریش ضرور دیر. افغانستان نینگ اوزینی اوزی تأمینلش اوچون مستحکم پایدیوار یره‌تیش گه امید قیلیش یا که اونی تیارلش آرقه‌لی قیسقه مدتلی یاردم کورسه‌تیش ایمس.»
بیزلرنینگ فیسبوک صحیفه‌میزگه باش اورینگ!
مذکور ییغینده بیرلشگن ملت‌لر تشکیلاتی باش کاتبی نینگ افغانستان اوچون مخصوص وکیلی، افغانستان اقتصادیاتی قوللشی خصوصیده خواطر بیلدیریب کوپه‌یتیریشیچه، شرایط قیتریب بولمس نقطه گه یقینله ماقده. او عین‌حالده افغانستان نینگ حاضرگی حاکم‌لری بیلن خلق‌ارا همجمعیت نینگ تعامل قیلیشینی سوره‌دی.
دیبرا لاینز نینگ ایتیشیچه، خواطرده بولگن مملکت‌لر حاضر مناسبت‌لرینی «چقور» لشتیریش لری کیره‌ک؛ چونکه حاضرگی حاکم‌لر بیلن کیلیشمه‌گن تقدیرده، افغانستان خلقی گه یاردم بیریش قیین دیر. بیرلشگن ملت‌لر تشکیلاتی نینگ مخصوص نماینده‌سی، اساسی حقوق، بشری و عیال‌لر حقوقی تأمین ایتیلیشی اوچون ایته یاتگن سعی-حرکت‌لری گه هم اشاره قیلگن.
بیزلرنینگ توییترده هم تعقیب قیلینگ!
افغانستان اسلامی امارت حکومتی، محمد اشرف غنی قاچیشی‌دن کیین شکللندی، حاضرگچه رسمیت گه تانیلمه‌گن. بیراق بیرقطار اولکه‌لر، افغانستان خلقی گه یاردم بیریش اوچون اوشبو مملکت نینگ حاضرگی لیدرلری بیلن تعامل قیلیش‌لرینی بیلدیرگن‌لر.
بوندن آلدین قطار مملکت‌لر تامانیدن اسلامی امارت‌نی تن آلیش اوچون بشر حقوقی، خاتین قیزلر نینگ حقوقی‌نی رعایه قیلیش و همه شمول حکومت شکللینیش پیش شرط‌لرنی اعلان قیلیشگن.
