بوگون “چهارشنبه” نماینده‌لر کینگشی اعضالریدن بیرقطاری نینگ اوشبو کینگش عمومی ییغینیده اوروش میدان‌لریده حکومت و امنیتی نهادلرنینگ مدیریت‌سیزلیگیدن تنقید قیلیب ایتیش‌لریچه، امنیتی وضعیت کون-اوتیش بیلن یمان بولماقده و حکومت‌نی بو وضعیت‌دن چیقیش اوچون جدی شکلده سعی و حرکت قیلیشی کیره‌ک.
نماینده‌لر کینگشی عضوی عزیزالله الفتی نینگ ایتیشیچه، حکومت جیم‌لیککه نقطه قویب و امنیتی وضعیت خصوصیده اهالی‌گه جواب قیتریشی کیره‌ک.
شونینگدیک، نماینده‌لر کینگشی اعضالریدن باشقه بیری حلیمه صدف کریمی نینگ تومن‌لر طالبان قولیگه سقوط قیلیشی و امنیتی وضعیت یمان بولگنی‌دن خواطر بیلدیریب ایتیشیچه، اوروش میدان‌لری مدیریتی‌نی قولگه آلیش اوچون جدی تدبیرلر آلینیشی آلیش لازم و حکومت‌نی وضعیت یخشیلنیشی اوچون امنیتی نهادلر رهبرلیگی‌گه اوزگرشلیک کیلتیریش جدی نیازلردن دیر.
نماینده‌لر کینگشی باشلیغی میررحمان رحمانی، اوشبو ییغینده امنیتی نماینده‌لر کینگشی تامانیدن امنیتی بیر ریجه تیارلنیب و تصدیق‌لنیش اوچون حکومت‌گه تاپیشیریلیشی‌نی سوره‌گن.
بیراق، جمهورلیک ریاستی سوزلاوچسی نینگ اورین باسری لطیف محمود نینگ ایتیشیچه، حکومت اوروش‌نی یکونلنتیریش و تینچلیک‌نی تامین‌لش اوچون سعی و حرکت قیله‌دی و بوتوغریده تعهدلی دیر.
چیت‌ایللیک کوچلرنی افغانستاندن چیقیش جریانی باشلنگنیدن سونگ، طالبان گروهی نینگ هجوم‌لری شدت‌لنگن و نشر ایتیلگن گزارش‌لرگه قره‌گنده حاضرگچه ۳۰ دن آرتیق تومن طالبان قولیگه سقوط قیلگن.
