هرات شهری زنده‌جان تومنیده زلزله عاقبتیده زیان کورگنلردن قطاری، سرپرست حکومت تامانیدن باش پناه قوریلیشی نی ایسته‌گنلر.
اولر یاردم بیرووچی نهاد‌لر آرقه‌لی خیمه ترقه‌تیلیشی نی ییترلی بیلمه‌ی ایتیشلریچه، کوز نینگ ساووق کونلریده، حیات کیچیریش اولر اوچون جوده‌یم قیین بولگن.
مذکور زیان کورگنلر نینگ کوپه‌یتیریشلریچه، زنده‌جان قیشلاق‌لری قیش آیی‌ده ساووق بولیب و اولر نینگ اوی‌لری بولمه‌گنی صورت‌ده، زلزله نتیجه‌سیده زیان کورمه‌گن باله‌لر هم، هوا نینگ ساووق‌لیگی طفیلی هلاک بولیشی ممکن.
بیزلرنینگ «ایکس» ترماغی ده هم تعقیب قیلینگ!
هرات ولایتی زنده‌جان تومنی نینگ نایب رفیع قیشلاغی یشاوچیسی میراحمد نینگ ایتیشیچه: «حکومت‌دن بیزلر گه اوی-جای قوریشلری نی ایسته‌یمیز که حداقل باله‌لریمیز ایسیق بیر ییرده بولسین. قیش هم ییتیب کیلماقده و منطقه هم ساووق بولگن.»
شونینگدیک وردک‌ها قیشلاغی یشاوچیسی بسم‌الله نینگ ایتیشیچه: «آزیق-آوقت و خیمه کیلگن، بیراق حاضر ایسه اوی-جای گه نیازی‌میز بار. اوشبو قیشلاغ نینگ نفوسی ۱۰۶۰ کیشی دیر و حاضر ایسه برچه اوی‌لر بیرینچی مرته یوز بیرگن زلزله‌دن ویران بولگن.»
شونده‌ی بیرحالده، اسلام امیرلیگی باش وزیرلیگی نینگ اقتصادی اورین باسری عبدالغنی برادر، هرات گه قیلگن سفری جریانیده، اوشبو ولایت‌ده یوز بیرگن زلزله عاقبتیده زیان کورگنلردن برچه‌سی گه اوی قوریش خصوصیده سوز بیرگن.
عبدالغنی برادر، مذکور معلومات‌لر نی دوشنبه کیچه، هرات ولایتی مقامی‌ده یولگه قوییلگن خبری بیر ییغین‌ده بیان قیلگن. «باش پناه قوره‌میز، حاضر ایسه خیمه و ترپال کبی نرسه‌لر بیره‌میز و اسلام امیرلیگی ویران بولگن قریب ۱۵ یوز اوی نی قیته قوریش خصوصیده سوز بیره‌دی.»
اسلام امیرلیگی باش وزیرلیگی نینگ اقتصادی اورین باسری، هرات ده زلزله عاقبتیده زیان کورگنلر گه یاردم بیریش اوچون برچه امکانیت‌دن قوللنیش خصوصیده تاکید قیلگن.
باشقه بیر تامان‌دن هرات ولایتی اقتصاد ریاستی، زلزله عاقبتیده زیان کورگنلر گه یاردم‌لر نینگ درست شکلده ترقه‌تیلیشی اوچون، بیر کمیته ایجاد قیلگن دیر.
بیزلرنینگ فیسبوک صحیفه‌میزگه باش اورینگ!
ایتیلیشچه، حاضرگچه هرات ده زلزله عاقبتیده زیان کورگنلر گه ملی سوداگرلر، سپورتچیلر و اهالی تامانیدن بولگن نقدی یاردم‌لر گه علاوه، بیرلشگن ملت‌لر تشکیلاتی و باشقه بیر قطار مملکت‌لر هم یاردم بیرگن. بو آره‌ده زلزله عاقبتیده زیان کورگنلر گه بیرلشگن ملت‌لر تشکیلاتی ۵ میلیون دالر، آلمان ۵ میلیون یورو و چین ایسه ۲۰۰ مینگ دالر اختصاص بیرگن.
هرات حادثه‌‌لر ریاستی نینگ مالی و اداری مدیری عبدالسلام بارکزی نینگ سلام‌وطندار گه ایتیشیچه، حاضرگچه زنده‌جان تومنیده قوتقروو و اختریش عملیات نینگ دوامی بار. اونگه کوره، حاضرگچه زلزله عاقبتیده ۲۴۴۵ کیشی اولیب و ۲۴۴۰ کیشی ایسه یره‌لنگن.
