بوگون “چهارشنبه” نماینده‌لر کینگشی نینگ عمومی ییغینیده اوشبو کینگش اعضالری دولت اداره‌لردن بیرقطارینی سرپرست‌لر تامانیدن اداره ایتیلیشیدن تنقید قیلگنلر.
نماینده‌لر کینگشی اعضالری، ایجابی آواز قولگه کیریته آلمه‌گن نامزد وزیرلرنینگ ایش‌لریگه دوام بیریشینی قانون‌گه قرشی عنوان قیلیب ایتیش‌لریچه، جمهور رئیس ینگی نامزد وزیرلر تانیتیشدن وعده بیرگن ایدی، لیکن حاضرگه‌قدر بیرگن وعده‌سیگه عمل قیلمه‌گن.
نماینده‌لر کینگشی اعضالری‌گه کوره، ایجابی آواز قولگه کیرتمه‌گن نامزد وزیرلرنینگ ایش‌لریگه دوام بیریشی نماینده‌لر کینگشی صلاحیتی و جایگاه‌سینی سوراق آستیگه قرار بیره‌دی.
اولرنینگ ایتیش‌لریچه، نماینده‌لر کینگشی‌دن ایجابی آواز قولگه کیریتگن بیرقطار نامزد وزیرلر نامعلوم دلیل‌لر سبب، جمهور رئیس تامانیدن چیکلنتیریلگن و اوشبو ایش ایکی قوه آره‌سیده صدمه ییتیشتیره‌دی.
عین‌حالده، نماینده‌لر کینگشی باشلیغی میررحمان رحمانی نینگ ایتیشیچه، اداره‌لرنینگ سرپرست‌لر تامانیدن مدیریت ایتیلیشی تینیق‌لیک‌نی نابود قیلیب و فساد کوپه‌یشی‌گه سبب بوله‌دی. جناب رحمانی، حکومتدن ینگی نامزد وزیرلر تانیتیشی‌نی سوره‌گن.
معلومات و مدنیت، عیال‌لر، قیشلاقلرنی رواجلنتیریش و معارف وزیرلیک‌لری و شونینگدیک، مرکزی بانک سرپرست‌لر تامانیدن اداره ایتیله‌دیگن بیر چاغده، نماینده‌لر کینگشی بو وضعیت دوام قیلیشی‌دن تنقید قیلگنلر.
بوتوغریده جمهورلیک ریاستی فکرینی آلیش اوچون سعی و حرکت قیلدیک، لیکن موفق بولمه‌دیک.
