سرپرست وزیرلر تامانیدن دولتی ادارهلردهگی ایشلاوچی‌لر سلیقوی شکلده ایشدن چیکلنتیریلیشی و سلیقوی شکلده ایش‌گه آلینیشی خصوصیده خواطرلر کوپه‌یگن.
بوگون (دوشنبه ۲۴- قوس) نماینده‌لر کینگش اعضالری عمومی ییغینیده، نامزد وزیرلردن بیرقطاری ایشانچ آواز قولگه کیلتیره آلمه‌گنلریدن سونگ، ناقانونی حرکت‌لرگه قول اورگنلری ایتیلگن.
نماینده‌لر کینگشی اعضالری نینگ ایتیش‌لریچه، ایشانچ آواز قولگه کیلتیره آلمه‌گن نامزد وزیرلر تامانیدن، پرسونل ایشدن آلینیش و ایش ییری اوگزتیریلیش پروسه‌سی توخته تیلیشی کیره‌ک.
نماینده‌لر کینگشی باشلیغی میررحمان رحمانی، جمهور رییس غنی دن نماینده‌لر کینگشیدن ایجابی آواز قولگه کیلتیره آلمه‌گن نامزد وزیرلر اورنیگه باشقه کیشی‌لر تانیتیلیشی نی سوره‌گن.
عین‌حالده، حقوقی ایش بیلرمان وحید فرزه‌یی نینگ ایتیشیچه، نماینده‌لر کینگشیدن ایشانچ آواز قولگه کیلتیره آلمه‌گن نامزد وزیرلر، سرپرست صفتیده ایش قیلیشی قانونگه قرشی دیر. نماینده‌لر کینگشیدن ایشانچ آواز قولگه کیلتیره آلمه‌گن نامزد وزیرلر اورنیگه حکومت تامانیدن باشقه کیشی‌لر تانیتیلیشی کیره‌ک.
شونینگدیک، سیاسی ایش بیلرمانلردن بیری حمید عزیزی نینگ ایتیشیچه، نماینده‌لر کینگشیدن ایشانچ آواز قولگه کیلتیره آلمه‌گن نامزد وزیرلرنینگ ایش‌گه دوام بیریشی خلق بیلن حکومت آره‌سیده ملی ایشانچ‌سیزلیک کیلتیره‌دی، انه‌شوباعث غنی جناب‌لری سرپرست‌لیک ایشلری بوییچه قانونگه بویین یینگیب و نماینده‌لر کینگش اعضالری نینگ ایستک‌لریگه مثبت جواب قیته‌ریب، تیزلیکده سرپرست وزیرلر اورنیگه باشقه کیشی‌لرنی تانیش تیریشی لازم.
بوتوغریده جمهورلیک ریاستی فکرینی آلیش اوچون سعی و حرکت قیلدیک، لیکن موفق بولمه‌دیک.
بیر آی آلدین نماینده‌لر کینگش اعضالری ۲۴ نامزد وزیر و مرکزی بانک باشلیغی اوچون صندوق قویگن ایدیلر و مذکور نامزد وزیرلردن مدنیت و معلومات وزیرلیگی نامزدی طاهر زهیر، عیال‌لر وزیرلیگی نامزدی خانم حسینه صافی، معارف وزیرلیگی نامزدی رنگینه حمیدی و مرکزی بانک سرپرستی اجمل احمدی ایشانچ آواز قولگه کیلتیره آلمه‌گنلر.
