بوگون “چهارشنبه” نماینده‌لر کینگشی، دولت ایشلاوچی‌لری نینگ آی‌لیک حقوقی بیر تور قیلیش ریجه‌سینی تصدیق‌لگن. اوشبو ریجه نماینده‌لر کینگشی نینگ ۳۰ اعضاسی تامانیدن پیشنهاد ایتیلگن.
نماینده‌لر کینگشی باشلیغی میررحمان رحمانی نینگ ایتیشیچه، نماینده‌لر کینگشی اعضاسی نینگ ایسته‌گی بیلن دولت ایشلاوچی، اوقیتووچی‌لر، تقاعد قیلگن‌لر، اجیرلر و عسکرلرنی آی‌لیک حقوقی بیر تور بولیش و جماعه‌ده عدالت تأمین بولیش اوچون ان تی ای، سوپراسکیل و سی بی آر آی‌لیک‌لری رُتب گه ۹۱ و ۹۲ کود‌لریدن بیریلیش‌گه قرار آلینگن.
اوشبو لاییحه نماینده‌لر کینگشی نینگ کوپینچه ایشانچ آوازی بیلن تأیید ایتیلیب، مالی ییل بودجه‌سی گه آلینیش اوچون مالی و بودجه کمیسیونی گه وظیفه بیریلگن. قویاش ۱۴۰۰- ییل بودجه‌سی نینگ لاییحه‌سی نماینده‌لر کینگشی تامانیدن رد ایتیلگن.
عین‌حالده نماینده‌لر کینگشی نینگ اعضالری، بودجه برچه ولایت‌لرگه بیر تور تخصیص بیریلمه‌گن حالده، مالی ییل لاییحه‌سی تأیید ایتیلمس‌لیگی ممکن دیگن‌لر.
جناب رحمانی نینگ ایتیشیچه، مالی ییل بودجه‌سی نینگ لاییحه‌سی تصدیق لنمه گونچه، نماینده‌لر کینگشی نینگ اعضالری هم قیش تعطیلی گه چیقمس‌لیک‌لری ممکن. اونگه کوره، نماینده‌لر کینگشی بودجه ریجه‌سی خصوصیده تیزلیک ده قرار آلیشی اوچون، حکومت سونگی کون‌لرده بوجه ریجه‌سی نی کینگش گه یوبارگن.
قویاش ۱۴۰۰- ییل اوچون ۴۵۲ میلیارد افغانی بودجه نظرگه آلینگن. اوشبو بودجه نی ۲۹۵ میلیاردینی عادی بودجه و ۱۵۶ میلیاردینی کینگه‌یتیریش بودجه سی تشکل بیره‌دی.
