نماینده‌لر کینگش اعضالریدن قطاری مذکور کینگش نینگ بوگونگی عمومی ییغینیده، میلادی جاری آیده افغانستان تینچلیگی توغریسیده یولگه قوییله‌دیگن استانبول ییغینیده کوپ ریجه ارایه ایتیلیشی نی آلدی آلینیشی اوستیگه اورغوله‌گن.
شونینگدیک نماینده‌لر کینگش اعضالری ملی مصالحه عالی کینگشی دن، تینچلیک نینگ ینگی ریجه‌سینی اولرنینگ اختیاری گه قوییش نی سوره‌شگن.
نماینده‌لر کینگش اعضاسی اسدالله شهباز نینگ ایتیشیچه، تینچلیک ریجه‌سی افغانستان یشاوچی‌لری نینگ برچه‌سینی فکرینی منعکس قیلیشی کیره‌ک. اونگه کوره، استانبول ییغینده کوپ ریجه ارایه ایتیلیشی افغانستان اهالیسی نینگ اورنی نی سوراق آستیده قرار بیره‌دی.
عین حالده، نماینده‌لر کینگشی نینگ باشقه بیر اعضاسی خالد اسد، استانبول ییغینیده تورلی ریجه‌لر ارایه ایتیلیشی دن خواطر بیلدیریب ایتیشیچه، مذکور ریجه‌لر افغانستان اهالیسی نینگ فکرینی انعکاس بیرمه‌یدی.
«اقتدار بانوان» نامیده پارلمانی بیر گروه بیر اعلامیه ترقه‌تیش بیلن استانبول ییغینی نینگ اونملی دیب ایتیشیچه، مذکور ییغینده «بُن» ییغینی کبی عیاللرنینگ شرکت حقی آلینمه‌سی کیره‌ک.
نماینده‌لر کینگش اعضاسی حلیمه صدف بو توغریده ایتیشیچه: «یازیلگن ریجه ده افغانستان عیاللری نینگ اورنی بیللی بولمه‌گن و سوزلشوولردن آلدین آتیش کیسین برقرار ایتیلیشی کیره‌ک. قیغو بیلن زوروانلیکلر کونسایین کوپه‌یماقده.»
نماینده‌لر کینگشی باشلیغی میررحمان رحمانی هم ترکیه ییغینی افغانستان نینگ ۴۰ ییل‌لیک اوروشی یکونله‌نیشی اوچون یخشی بیر فرصت دیب ایتیشیچه، تینچلیک سوزلشوولریده برچه سیاسی گروهلر، مدنی جماعه‌چیلیک و اهالی نینگ ایسته‌کلریگه توجه قیلینیشی کیره‌ک.
