جمهورلیک ریاستی ایکینچی اورین باسری سرور دانش نینگ ذبیح‌الله کلیم نی باش قاره‌لاوچیلیک اداره‌سی سرپرستی صفتیده تانیتیش مراسمیده ایتیشیچه، عمل‌گه آشیریلمه‌گن بیرقطار قانون‌لرنی قنده‌ی شکلده عمل‌گه آشیریلیشی‌نی تیکشیریش کیره‌ک.
اونینگ ایتیشیچه، حکومت تینچلیککه تعهدلی و تینچلیککه قول تاپیش اوچون سعی و حرکت قیله‌دی. اونینگ تاکید قیلیشیچه، قدرت‌نی سیلاو آرقه‌لی انتقال بیریلیشی کیره‌ک.
جمهورلیک ریاستی ایکینچی اورین باسری نینگ تاکید قیلیشیچه، تینچلیک تامین ایتیلگن صورتده، حکومت اساسی قانون نی تعدیل قیلیش‌گه تعهدلی دیر.
عین‌حالده، باش قاره‌لاوچیلیک اداره‌سی سرپرستی ذبیح‌الله کلیم نینگ ایتیشیچه، اداری فساد و ییر غاصب‌لریگه قرشی جدی شکلده مبارزه قیله‌دی.
او، انسان حقوقی و عیاللر حق‌لریدن حمایت قیلیشی اوستیگه تاکید قیلیب و شرایط گه ماس قاره‌لاوچی‌لرنی استخدام قیلیشدن ایشانچ بیرگن. جناب کلیم نینگ کوپه‌یتیریشیچه، قاره‌لاوچی‌لر ایش‌لریگه دخالت قیلیش اوچون هیچ‌کیم گه رخصت بیریلمه‌یدی.
ایتیلیشیچه، مملکت باش قاره‌لاوچی‌سی نیچه پیت آلدین ایشیدن استعفا قیلدی، لیکن اونینگ استعفا قیلیش دلیلی حاضرگه‌قدر بیللی ایمس.
