مملکت بیرینچی خانمی، رولاغنی خصوصی میدیالردن بیری بیلن صحبت اوتکزیب، نماینده‌لر کینگشی اعضالری نینگ ایش‌لریدن تنقید ایتیب، نماینده‌لر کینگشی ایشانچ آواز آلیب-ساتیش میدانی‌گه اوزگرگنینی بیلدیرگن.
خانم رولا غنی گه کوره، نماینده‌لر کینگشی رضایت کورستمه‌گن حالده هم، نماینده‌لر کینگشی دن ایشانچ آواز آلیش‌گه موفق بولمه‌گن معارف وزیرلیگی نینگ سرپرست وزیری خانم رنگینه حمیدی و عیال‌لر وزیرلیک نینگ سرپرست وزیری خانم حسنیه صافی اوز ایشلریگه دوام بیریش لری ممکن.
اولکه بیرینچی خانمی نینگ ایتیشیچه، نماینده‌لر کینگشی اعضالری بیرقطار نامزد وزیرلرگه ایشانچ آواز بیرمه‌گنلری، اولر اوز ایشلریگه بلد بولمه‌گنلرینی کورسته‌دی.
انه‌شوحالده، نماینده‌لر کینگشی نینگ قطار اعضالری، خانم رولاغنی نینگ صحبت‌لری برابریده جدی صورتده واکنش کورستیب، او، نینگ بیاناتینی مسول‌سیزلیک و قانونگه قرشی عنوان قیلگنلر.
نماینده‌لر کینگشی عضوی مسعوده کروخی سلام‌وطندارگه ایتیشیچه، خانم رولاغنی ده قانونی موقف یوق و اونینگ موقفی تشریفاتی بیر موقف دیر. خانم کروخی گه کوره، خانم رولاغنی قانونگه قرشی آدیم کوتاریب، اولکه ایچکی مسله‌لریگه دخالت قیله‌دی.
شونینگدیک، نماینده‌لر کینگشی اعضالریدن باشقه بیرقطاری، خانم رولا غنی نینگ سوزلری زوروان‌لیک و سیاسی باج آلیش دیر دیگنلر. نماینده‌لر کینگشی نینگ قطار اعضاسی خانم رولاغنی صحبت‌لری برابریده جواب قیته‌ریشی لازم دیگن.
عین‌حالده، حقوق ایش بیلرمانلردن بیری وحید فرزه‌ای نینگ سلام‌وطندارگه ایتیشیچه، اولکه بیرینچی خانمی ده رسمی صلاحیتی یوق و انه‌شو باعث، اونملی سیاسی موضوع‌لرده فکر بیلدیریشده حقی یوق دیر.
خانم رولا غنی نینگ صحبت‌لری برابریده، اجتماعی ترماق‌لرده هم کوپینچه واکنش‌لر کورسه‌تیلگن. اجتماعی ترماق‌لردن استفاده قیله‌دیگن قطار کیشی‌لر گه کوره، اولکه بیرینچی خانمی نینگ قانون دن خبری یوق و اونینگ سوزلری قانونگه قرشی دیر.
