نماینده‌لر کینگش باشلیغی میررحمانی رحمانی، اوتگن کون وقتینچه‌لیک حکومت توغریسیده بیرگن بیاناتی، بوگون کینگش گه جنجل چیقارگن. نماینده‌لر کینگش اعضالریدن قطاری «جمهوریت» دن حمایت قیلیب و جناب رحمانی نینگ بیاناتی نی شخصی فکر عنوان قیلگن، بیراق نماینده‌لردن باشقه بیر قطاری جناب رحمانی نینگ بیاناتی دن حمایت بیلدیرگن.
اوتگن کون نماینده‌لر کینگشی نینگ تینچلیک کمیسیونی، میررحمان رحمانی ییتکچیلیگیده بیرینچی ییغینی نی یولگه قویدی. مذکور ییغینده جناب رحمانی نینگ ایتیشیچه، وقتینچه‌لیک یا-ده تینچلیک حکومتی نینگ لایحه‌سی اونینگ قولیگه قرار تاپگن و گرچند بو ریجه گه اَیریم قیینچلیکلر کورینه‌دی، بیراق بو لایحه‌ده تیریم نینگ دوامیدن حمایت بولگن و شو یوزه‌دن اوندن حمایت قیله‌دی.
جناب رحمانی نینگ بو بیاناتی، کینگش نینگ بوگونگی ییغینیده عکس‌العمل‌لرگه روپه‌رو بولدی. نماینده‌لر کینگش اعضالریدن قطاری جناب رحمانی نینگ بیاناتی نی شخصی فکری عنوان قیلگن، بیراق نماینده‌لردن باشقه بیر قطاری ایسه اونینگ تصدیقله‌گن.
نماینده‌لر کینگش اعضالریدن بیری مریم سما نینگ ایتیشیچه، مملکت یشاوچی‌لری نینگ وقتینچه‌لیک حکومتدن اَچیق خاطره‌لری بار. اونگه کوره، حاضرگی حکومت افغانستان فرزندلری نینگ قربانلیگی نی نتیجه‌سی دیر و اونینگ سقله‌ش قربانی‌لرگه احترام بیریش دیر.
بیراق نماینده‌لر کینگش اعضالریدن باشقه بیر قطاری، وقتینچه‌لیک حکومت دن حمایت قیلیش نی هر بیر یشاوچی نینگ حقی دیب ایتیشیچه، اولر نه طالبان نینگ امارتی و نه هم جناب غنی نینگ جمهوریتی گه طرفدار دیر، بلکیم اولر اسلامی جمهوری تیزیم گه طرفدار دیر.
شونده‌ی بیرحالده، نماینده‌لر کینگش باشلیغی میررحمان رحمانی، نماینده‌لرنینگ بیاناتی گه عکس‌العمل کورسه‌تیب ایتیشیچه، اونینگ بیاناتی ناتوغری تعبیر قیلینگن.
