تاجیکستان پایتختی دوشنبه شهری، ۱۷-دلو، چهارشنبه کونی افغانستان حقیده اروپا بیرلشمه‌سی و مرکزی آسیا مملکت‌لری مخصوص نماینده‌لری‌نینگ آلتینچی ییغیلیشی میزبانی ایدی. تاجیکستان تشقی ایشلر وزیرلیگی بیر بیانیه ترقه‌تیش بیلن اعلام قیلیشیچه، اوشبو ییغیلیش‌ده افغانستان‌نینگ خوفسیزلیک، اقتصادی و سیاسی اوزگریشلری حقیده صحبت بولگن.
شونینگدیک مذکور ییغیلیشگه شرکت قیلگنلر بشری حقوق جمله‌دن عیاللر و قیزلر تعلیمی و افغانستان توپراغی‌دن بولگن خوفسیزلیک تهدیدلرنی تیکشیرگنلر. بیانیه‌نینگ بیر بولیمی‌ده کیلیشیچه: «شونینگدیک اوشبو ییغیلیش‌ده شرکت قیلگنلر بشری حقوق وضعیتی اینیقسه افغانستان ده عیاللر و قیزلر وضعیتی، قیین‌چیلیکلر و خوفسیزلیک تهدیدلری حقیده صحبت قیلگنلر.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اسلام امیرلیگی سوزلاوچیسی اورین‌باسری حمد‌الله فطرت، بو ییغیلیشگه اشاره قیلیب، منطقه مملکت‌لری‌گه افغانستان ده ثبات و تینچلیک برقرار‌لیگی و اقتصادی ترقیات‌نینگ دوام قیله‌یاتگنی‌دن ایشانچ بیرگن. «اسلام امیرلیگی منطقه مملکت‌لری بیلن یخشی مناسبت‌گه ایگه دیر و برچه مملکتلر بیلن ایجابی تعامل قیلیشنی ایسته‌یدی. افغانستان حقیده ییغیلیش اوتکزه‌دیگن مملکت‌لر‌نینگ ایشانچ‌لی بولیشی کیره‌ک که بو مملکت‌ده صلح و ثبات برقرار بولیب و اقتصادی ترقیات‌نینگ دوامی بار. بو هدف‌لرگه ایریشیش اوچون، منطقه مملکت‌لر‌نینگ همکارلیگی کیره‌ک؛ چونکه افغانستان اقتصادی ترقیات اوچون منطقه‌یی حمایت گه نیازی بار.»
شونینگدیک سیاسی مسئله‌لر بوییچه ایش بیلرمان نجیب‌الرحمان شمال، سیاسی و اقتصادی قیین‌چیلیکلردن افغانستان‌نینگ چیقییشی اوچون اروپا بیرلشمه‌سی و منطقه مملکت‌لری همکارلیگی‌نی اونملی و فایده‌لی دیگن. «افغانستان قیین‌چیلیکلری حلی اوچون، اورپا بیرلشمه‌سی بیلن علاقه قوریش و مرکزی آسیا مملکت‌لری بیلن کوپراق همکارلیک کیره‌ک. امید قیله‌میز که اوشبو مملکتلر قوشمه قرار بیلن انسان‌سیورلیک یاردم‌لر دوامی‌گه علاوه، سیاسی و دیپلماتیک همکارلیک مسئله‌لری توغریسیده آدیم کوتارسین، چونکه افغانستان اهالی‌سی حاضرگی شرایط‌ده تشقی حمایت‌لرگه جدی شکلده نیازی بار.»
بیزلرنینگ «ایکس» ترماغی ده هم تعقیب قیلینگ!
اقتصادی ایش بیلرمان‌لر هم اقتصادی و آست‌قورمه ترقیاتی لایحه‌لر‌نینگ مالی تامین‌لنیشی‌ده اروپا بیرلشمه‌سی و مرکزی آسیا مملکت‌لر‌نینگ کلیدی اورین‌لری‌گه تاکید قیله‌دیلر. اقتصادی ایش بیلرمان تاج‌محمد تلاش‌نینگ ایتیشیچه، اسلام امیرلیگی تعامل اوچون مرکزی آسیا مملکت‌لری‌نینگ تمایلی‌دن فایده‌لینشی کیره‌ک. «افغانستان ترقیاتی رواجلنیشی‌ده مرکزی آسیا مملکت‌لری اورنی اونملی دیر، لیکن قیغو بیلن سوزلر بیریله‌دی اما عمل‌گه آشیریلمه‌یدی.»
اسلام امیرلیگی بیلن بیر قطار مرکزی آسیا مملکت‌لری‌نینگ مناسبتی بولگنی بیرحالده، اوتگن اوچ ییل‌ده مذکور مملکتلر و جمعی خوفسیزلیک پیمان تشکیلاتی نیچه مرته افغانستان توپراغی‌دن خوفسیزلیک تهدید‌لر توغریسیده خواطر بیلدیرگن.
