نماینده‌لر کینگشی بیرقطار اعضالری نینگ اوشبو کینگش بوکونگی عمومی ییغینیده ایتیش‌لریچه، نامزد وزیرلرنینگ تحصیلی حجت‌لرینی تیکشیریش‌ده مسوول بولگن کمیسیون ۵ نامزد وزیرنینگ حجتی نی تیکشیرمه‌گن.
نماینده‌لر کینگشی اعضاسی نسیم مدبرنینگ ایتیشیچه، قطار نامزد وزیرلرنینگ تحصیلی حجتی تیکشیریلمه‌گنی، مجلس نینگ ایچکی اصولی‌گه قرشی ذیر و بو موضوع فسادگه زمینه یره‌ته‌دی.
اونینگ کوپهیتیریشیچه، حکومت تامانیدن نماینده‌لر کینگشی‌گه تانیشتیریلگن بوتون نامزد وزیرلر نینگ تحصیلی حجتی نی تیکشیریلیشی کیره‌ک.
عین‌حالده، نماینده‌لر کینگشی نینگ باشقه بیر اعضاسی ضیاالدین ضیا نینگ ایتیشیچه، تحصیلی حجتی تیکشیریلمه‌گن ۵ نامزد وزیر نینگ حجتی ساخته دیر.
نماینده‌لر کینگشی اعضالریدن باشقه بیری قاضی حنفی نینگ ایتیشیچه، ایکینچی کیم‌لیگینی لغو ایتیش‌نی ایسته‌گن نامزد وزیرلر، کیم‌لیگی بولگن اولکه نینگ تشقی ایشلر وزیرلیگی و افغانستان تشقی ایشلر وزیرلیگی نینگ تصدیقینی نماینده‌لر کینگشی‌گه کیلتیریش‌لری کیره‌ک.
نماینده‌لر کینگشی باشلیغی میررحمان رحمانی نینگ ایتیشیچه، نامزد وزیرلر خصوصیده نماینده‌لر کینگشی ۵ کمیسیونی تامانیدن حکومت‌گه یوباریلگن مکتوب نینگ جوابی قیته‌ریلمه‌گن و انه‌شوو سبب، چهارشنبه کونگه‌قدر تیگیشلی کمیسیون تیکشیریش‌لرینی نهایی قیلسین.
بوتوغریده تشقی ایشلر وزیرلیگی فکرینی آلیش اوچون سعی و حرکت قیلدیک، بیراق موفق بولمه‌دیک.
