بوگون “چهارشنبه” نماینده‌لر کینگشی نینگ عمومی ییغینیده، اوشبو کینگش اعضالری، کابل بلدیه‌سی باشلیغی داوود سلطان‌زوی نی باش قاره‌لاوچیلیککه تانیتیب و اونینگ امضاسینی اعتبارسیز اعلان قیلگنلر.
نماینده‌لر کینگشی، کابل بلدیه‌سی باشلیغی نی ناقانونی بنالر قوریلیشی‌گه توسیق بولیش اوچون ناتون‌لیک و باشکنت ده بولگن باشقه قیین‌چیلیکلر سبب، باش قاره‌لاوچیلیککه تانیتگن. داوود سلطان‌زوی نینگ امضاسی اعتبارسیزلیگی کوپلب ایجابی آواز بیلن تصدیق‌لنگن.
کابل بلدیه‌سی نینگ نماینده‌لر کینگشی اعضالری سوراق‌لریگه جواب قیتیریش اوچون اوشبو کینگش‌گه حضور تاپمه‌گنی سبب، بو قرار آلینگن.
داوود سلطان‌زوی جاری ییل ۱۳ حملده کابل بلدیه‌سی باشلیغی صفتیده تعیین‌لندی و ۱۴ حمل گه رسمی شکلده ایش‌گه باشلدی.
کابل بلدیه‌سی حاضرگه‌قدر نماینده‌لر کینگشی حرکتی‌گه قرشی واکنش کورستمه‌گن.
