نماینده‌لر کینگشی نینگ اعضالری بوکونگی ییغینی گه باشقه دولتی رسمی‌لر چیککه‌سیده کابل شهری نینگ بلدیه باشلیغی داوود سلطان زوی‌نی هم قیله‌دیگن فعالیت‌لری و نماینده‌لر کینگشی اعضالری نینگ سوراق‌لری گه جواب قیته‌ریش اوچون چقیرگن ایدیلر.
لیکن کابل شهری نینگ بلدیه باشلیغی داوود سلطان زوی، نماینده‌لر کینگشی گه کیلمه‌گن و بلدیه باشلیغی نماینده‌لر کینگشی گه کیلمه‌گنی اوچون کینگش اعضالری واکنش کورستگن‌لر.
نماینده‌لر کینگشی نینگ قطار اعضالری، کابل شهری بلدیه باشلیغی نی اداری فساد و بیکاره‌لیککه عیبلب و باش‌قاره‌لاوچیلیککه تانیش تیریلیشی نی سوره‌گنلر.
نماینده‌لر کینگشی نینگ عضوی خالد اسد گه کوره، کابل بلدیه باشلیغی بوتون روزی نی کمیشن توپلش اوچون ناحیه‌لرده اوتکزه دی، نماینده‌لر کینگشی گه حرمت قایل ایمس و مسلکی بیر کیشی هم بولمه‌گن و انه‌شو باعث مملکت باش‌قاره‌لاوچیلیک اداره‌سی گه تانیش تیریلیشی لازم.
انه‌شوحالده نماینده‌لر کینگشی نینگ باشقه بیر عضوی نصیر فراهی ایتیشیچه، کابل شهری بلدیه باشلیغی بوندن آلدین هم کینگش نینگ کمیسیون ییغینی گه حاضر بولمس ایدی.
اونینگ کوپه‌یتیریشیچه، کابل شهری بلدیه باشلیغی نماینده‌لر کینگشی گه حرمت سیزلیک قیلگنی و اداری فساد ده قولی بارلیشی اوچون، مملکت باش‌قاره‌لاوچیلک اداره‌سی گه تانیش تیریش لازم.
عین‌حالده نماینده‌لر کینگشی نینگ باشلیغی میر رحمان رحمانی، کابل شهری نینگ بلدیه باشلیغی باش‌قاره‌لاوچیلیک اداره‌سی گه تانیش تیریلیش اوچون تیگیشلی کمیسیون گه تیارلیک آلیش‌ده بویروغ بیرگن.
انه شوحالده تیگیشلی بولگن کمیسیون، مسوده تیارلنگنیدن کیین چهارشنبه کونی نماینده‌لر کینگشی نینگ عمومی ییغینده بیان ایتیش دن خبر بیرگن.
انه‌شوحالده کابل شهری نینگ بلدیه باشلیغی، نماینده‌لر کنیگشی اعضالری نینگ تهمت‌لرینی رد ایته‌دی.
کابل شهری بلدیه سی نینگ نشرات باشلیغی نعمت الله بارکزی، کابل شهری نینگ بلدیه‌سی کابینه عضوی بولگن و انه شوباعث هر دوشنبه کونی کابینه ییغینی گه قتنشی شینی بیلدیرگن.
جناب بارکزی نینگ ایتیشیچه، نماینده‌لر کینگشی نینگ اعضالری ایچکی اصولدن خبرلری یوق، نماینده‌لر کینگشی اعضالریدن ایشانچ آواز آله‌دیگن مقام‌لر پارلمان گه چقیریله‌دیلر.
بو بیرینچی مرته ایمس دیر نماینده‌لر کینگشی نینگ اعضالری کابل شهری بلدیه‌سینی فساد گه متهم قیله‌دیلر، نماینده‌لر کینگشی نینگ اعضالری بوندن آلدین هم نیچه مرته کابل شهری بلدیه سینی اداری فساد و کفایت سیزلیککه عیبدار ایتگن ایدیلر.
