بوگون “دوشنبه” نماینده‌لر کینگشی اعضالری نینگ عمومی ییغینیده، اولکه‌ده دوامی بولگن ناتینچلیک‌لر و هدف‌لی ترورلر رقمی آرتگنی باعث، مملکت ایچکی ایشلر و ملی مدافعه وزیری و ملی خوفسیزلیک ریاستی نینگ باشلیغی جواب قیته‌ریش اوچون چقیریلگن ایدیلر، لیکن ملی مدافعه وزیری نماینده‌لر کینگشی‌گه حضور تاپمه‌گن.
نماینده‌لر کینگشی نینگ عمومی ییغینیده، ایچکی ایشلر وزیری مسعود اندرابی ایتیشیچه، طالبان گروهی کیله‌جک ییل‌ده اوروش قیلیش اوچون کینگ شکلده تیارلیک آلماقده.
جناب اندرابی نینگ کوپه‌یتیریشیچه، امنیتی نهادلر طالبان گروهی قرشی کوره‌شیشده بوتونلی صورتده تیارلیک آلگن و تیارلیک‌لردن بیرته‌سی، ملی خوفسیزلیک، ملی اردو و ملی پولیس کوچلریدن تشکیل تاپگن حربی عملیات واحدی نینگ قوریلیشی دیر.
مملکت ایچکی ایشلر وزیری‌گه کوره، ینگی‌لیکده ایجاد ایتیلگن حربی عملیات واحدی فراه ولایتیده عملیات‌گه باشله‌گن و اوشبو ینگی حربی عملیات واحدی مملکت نینگ بوتون نقطه‌سیده طالبان گروهی برابریده اوریشیشده تیار دیر.
جناب اندرابی نینگ ایتیشیچه، حربی عملیات واحدی کوپینچه ظرفیت‌گه ایگه، دشمن نی هدف آلیش اوچون ایجاد ایتیلگن و بیر قومندان‌لیکدن بویروغ آله‌دیلر.
اونینگ، هدف‌لی قتل‌لرنی طالبان گروهی‌گه نسبت بیریب ایتیشیچه، اوشبو گروه قورقینچ فضا یره‌تیش و رسانه‌لر آرقه‌لی خلق‌نی قورقیتیش اوچون بونده‌ی اقدام‌لرگه قول اوره‌دی.
عین‌حالده، ملی خوفسیزلیک ریاستی باشلیغی احمد ضیا سراج نینگ ایتیشیچه، طالبان گروهی نینگ رهبرلری مَی آیی نینگ کیلیشی‌نی و چیت‌ایللیک کوچلر افغانستان‌نی ترک ایتیشینی کوته‌دی و انه شو باعث، تینچلیک مذاکره‌نی آرتده قالدیریش اوچون سعی و حرکت قیله‌دی.
جناب سراج نینگ ایتیشیچه، طالبان گروهی رهبرلیگی و کمیسیون‌لرینی پاکستان اولکه‌سیدن افغانستان‌گه انتقال بیریش زمینه‌سینی یره‌تیشده تلاش قیله‌دی و انه‌شو باعث زوروانلیک‌لر رقمی آرتگن.
ملی خوفسیزلیک ریاستی نینگ باشلیغی، هدف‌لی ترورلر و پارتلش‌لرنی طالبان گروهی‌گه نسبت بیریب و طالبان گروهی بونده‌ی عمل‌لر بیلن خلق‌نی حکومتدن اوزاق قیلیشده تلاش قیلیشی‌نی بیلدیرگن.
لیکن، طالبان گروهی، خبرچی‌لر و مدنی فعال‌لر اولیمی نینگ مسؤلیتی‌نی بوینیگه آلمه‌ی و گاه‌گاهی قطار ترورلرنی افغانستان دولتی‌گه نسبت بیرگن.
