کابل شهری ده‌گی عمده ساتوووچیلردن قطاری نینگ ایتیشلریچه، روسیه و اوکراین اوروشی ییگولیک ماده‌لر قیمتی اوستیگه تاثیر قیلیب و قریب ایکی هفته‌دن بویان آزیق-اوقت نرخی آشگن. اولر نینگ ایتیشلریچه، اون، یاغ، شکر و برنج قیمتی ۲۰۰ دن ۳۰۰ افغانی گه آشگن.
اولکه یشاوچیلری نینگ کوپه‌یتیریشیچه، بیر بوجی قزاقستان‌لیک اون ۲۵۰۰ افغانی، ۱۶ لیترلیک بیر بوتل یاغ۲۸۰۰ افغانی، ۷ کیلوگرام شکر ۴۲۰ افغانی و بیر بوجی اول سیله ۲۷۰۰ افغانی بازارده ساتیله‌دی. عمده ساتووچیلر گه کوره، کابل بلدیه‌سی، دکان‌دارلر گه وقتیده نرخ‌نامه بیره آلمه‌ی و قیمت‌لرنی کنترول قیله آلمه‌یدی.
بیزلرنینگ فیسبوک صحیفه‌میزگه باش اورینگ!
کابل شهری‌ده عمده ساتووچیلردن بیری نینگ ایتیشیچه: «سابق نرخ‌نامه‌نی بیر گن ایدی؛ بیراق اونی عملی قیله آلمه‌دی.» کابل شهری‌ده عمده ساتووچیلردن باشقه بیری گه کوره، «نرخ‌نامه رویخطی یاپیق دیر، اون‌نی قنچه ساته سنگ دیب سوره‌شر ایدی. ۲۵۰۰ افغانی ساتیش‌نی ایتر ایدیک، لیکن اولر نینگ نرخ‌نامه سیده ۲۱۶۰ افغانی ذکر بولگن. ۲۰ افغانی سود قیلدیم؛ بیراق اولر نینگ نرخ‌نامه‌سی سابقه‌لی دیر.»
کابل شهری‌ده عمده ساتووچیلردن باشقه بیری نینگ ایتیشیچه: «شهردارلیک همه گه نرخ‌نامه بیرگن ایدی؛ بیراق اونی عملی قیلیش ممکن‌سیز دیر. بازار آزاد دیر، لیکن دولت مال وارد قیلگن تقدیرده، عملی قیلیش امکانی موجود.»
شونینگدیک کابل بلدیه سوزلاوچیسی نعمت‌الله بارکزی، عمده ساتووچیلر سوزلرینی رد قیلیب ایتیشیچه، هر هفته دکان‌دارلرگه ینگی نرخ‌نامه بیریلیب و عملگه آشیریلیشی اوچون نظارت بوله‌دی.
جناب بارکزی نینگ کوپه‌یتیریشیچه، نرخ‌نامه گه کیمسه قرشی‌لیک قیلمسلیگی اوچون، سوداگرلر بیلن مصلحت و باجخانه‌لردن احوال آلینگندن کیین یازیله‌دی. اونگه کوره: «سوداگر یا دکان‌دارگه ظلم بولیش اوچون کیمسه گه رخصت بیرمه‌یمیز و شونینگدیک دکان‌دارلر گه هم اهالی گه ظلم قیلیش رخصتی بیریلمه‌یدی. کابل بلدیه‌سی نینگ نرخ‌نامه‌سی یوق دیگن‌لر، بهانه ایزله‌یدی.»
عین‌حالده، افغانستان سوداگرلیک و سرمایه یاتقیزیش اتاق اعضاسی خان‌جان الکوزی، بعضی ییگولیک ماده‌لر نرخی آشیشینی قبول قیلیب ایتیشیچه، یالغیز افغانستانده قیمتچیلیک ایمس، بلکه روسیه و اوکراین اوروشی باعث، دنیا نینگ قطار بازارلریده اون، یاغ و شکر نرخی آشگن.
بیزلرنینگ توییترده هم تعقیب قیلینگ!
اونینگ کوپه‌یتیریشیچه، باغلیق اداره‌لر، ماده‌لر نرخی قیمت بولمسلیگی و بو وضعیت‌دن بعضی‌لر نینگ فایده‌لنمسلیگی اوچون تلاش قیلماقده‌لر. اونینگ ایتیشیچه: «قیینچیلیک بارلیگیگه توجه‌میز بار و ایچکی تولیدلر ناحق قیمت بولگن. بو کییم‌لر دالرگه ساتیب آلینمه‌یدی؛ بلکه ایچکی تولید دیر.»
ییگولیک ماده‌لر قیمت بولیشی و کنترول بولمسلیگیدن عین‌حالده تنقید بولماقده که، سونگی کون‌لرده دالر نرخی افغانی پول برابری‌ده کوزگه کورینرلی درجه‌ده پس توشمه‌گن؛ لیکن شو بیلن هم ییگولیک ماده‌لر نرخی قیمت دیر.
