طالبان هجومی شدتلنگنی و بیرقطار تومنلرنی اوشبو گروه قولیگه سقوط قیلگنی باعث، مملکت کوپ قطار منطقهلریده مردمی کوچلر ایجاد ایتیلماقده و کوپقطار کیشیلر طالبانگه قرشی قورال آلیب امنیتی کوچلر یانیده توختهگنلر.
بیراق، نمایندهلر کینگشی اعضالری مردمی کوچلر فعالیتلریدن خواطر بیلدیرگنلر. اولرنینگ ایتیشلریچه، طالبانگه قرشی اهالی نینگ بسیج بولیشی وضعیتنی یخشیلنیشیگه سبب بولهدی، بیراق اوشبو کوچلر فعالیتی امنیتی کوچلر ایشلرینی سوراق آُستیگه قرار بیرمهیشی کیرهک.
نمایندهلر کینگشی اعضالریدن بیرقطاری نینگ اوشبو کینگش عمومی ییغینیده ایتیشلریچه، مردمی کوچلر کنترل بولمهگن صورتده، جدی قیینچیلیک یرهتهدیلر و ناتوغری فعالیتلرگه قول اورهدیلر.
نمایندهلر کینگشی اعضالریدن بولمیش محمدرحیم علییار و صدیق احمد عثمانی نینگ ایتیشیچه، مردمی کوچلر فعالیتی قانونی بولمهگن صورتده، حکومت تامانیدن اولرگه قورال ترقهتیش ناتوغری دیر.
عینحالده، نمایندهلر کینگشی باشلیغی میررحمان رحمانی نینگ ایتیشیچه، مردمی کوچلرنی قانونی شکلده ایجاد ایتیلیب و محلی اردو چتریده مدافعه وزیرلیگی تامانیدن تنظیم و تجهیز ایتیلیشی کیرهک.
مردمی کوچلر مدیریت و تجهیزلنیشی خصوصیده مدافعه وزیرلیگی فکرینی آلیش اوچون سعی و حرکت قیلدیک، لیکن موفق بولمهدیک. بوندن آلدین ملی مدافعه وزیرلیگی سرپرستی بسمالله محمدی اهالیدن امنیتی کوچلر یانیده قرار تاپیشلرینی سورهگن ایدی.