ملی مدافعه وزیرلیگی بیر خبرنامه ترقه‌تیب ایتیشیچه، اوتگن بیر کیچه و کوندوز ده مملکت حربیلری نینگ هجوم‌لری باعث ۱۳ ولایتده ایکی یوز طالب هلاک و باشقه کمیده ۱۰۰ طالب ایسه یره‌لنگن.
باشقه بیر تاماندن بو پیتده طالبان هم هجوم قیلگن؛ بیراق امنیتی مسئوللر وضعیت یخشی‌لنیشی توغریسیده اهالی گه ایشانچ بیریب ایتیش‌لریچه، اهالی نینگ یاردمی بیلن اوروش وضعیتی تیزلیککه اوزگره‌دی.
کون اوتیشی بیلن قطار ولایتلرده مردمی بسیج تشکیل بولماقده و اهالی طالبان گه قرشی کوره‌شیش اوچون دسته دسته امنیتی کوچلرنینگ صفیده قتنشماقده‌لر.
تومنلردن قطاری طالبان قولیگه سقوط قیلگنیدن کیین، ولایتلردن کوپینچه‌سیده اهالی طالبان گه قرشی بسیج بولیب و قورال کوتاریش بیلن امنیتی کوچلردن اوز حمایت‌لرینی بیلدیریشگن.
بیزلرنینگ فیسبوک صحیفه‌میزگه باش اورینگ!
اوتگن کیچه طالبان بغلان مرکزی پلخمری شهری اطرافیده هجوم قیلگن که امنیتی و مردمی کوچلرنینگ قرشی هجومی گه روپه رو بولیش بیلن مغلوب بولگنلر.
ملی مدافعه وزیرلیگی بیر ویدیو نشر قیلیش بیلن ادعا قیلیشیچه، مملکت هوایی کوچلری طالبان گه آغیر تلفات ییتکیزگن.
ملی مدافعه وزیرلیگی نینگ اعلام قیلیشیچه، قندهار نینگ نیش، میوند و پنجوایی تومنلریده امنیتی و مدافعه کوچلرنینگ آتیشمه‌سی و هجوملریده ۴۸ طالب هلاک و شونینگدیک مذکور گروه نینگ قورال و حربی جهازلری هم تخریب ایتیلگن.
مملکت جنوب شرقی ولایتلریده امنیتی وضعیت یمان بولگنیدن کیین، پولیس نینگ خاص قطعه کوچلری پکتیا ولایتی گه بارگن. بو ولایت امنیتی مسئوللری وضعیت یخشی‌لنگنیدن خبر بیریشگن.
مردمی بسیج و امنیتی کوچلردن حمایت قیلیش نی دوامی ده تخار و قندوز ولایتلریده یوزلرچه کیشی قورال کوتاریش بیلن طالبان گه قرشی امنیتی کوچلرنینگ یانیده تورگنلر.
تخار محلی مسئوللری نینگ ایتیش‌لریچه، طالبان چشم شیر منطقه‌لریده حربی کوچلر بیلن اوروش قیلیب کیلماقده ایدی، بیراق اولرنینگ هجومی امنیتی کوچلر و مردمی کوچلرنینگ جدی قرشی لیگی گه روپه‌رو بولگن.
بیزلرنینگ توییترده هم تعقیب قیلینگ!
اوتگن کون ایچکی ایشلر وزیرلیگی نینگ استراتیژی و پالیسی معیتی نقیب‌الله فایق مملکت شمال و شمال شرقی ولایتلریگه سفر قیلیش بیلن، بلخ، شبرغان و فاریاب ولایتلری نینگ قوم بویوکلری بیلن اوچره‌شیب و اولرنینگ طالبان گه قرشی بسیج بولیش‌لری خصوصیده تشویق قیلگن.
عین حالده، ملی مدافعه وزیرلیگی نینگ ایتیشیچه، اوتگن ۲۴ ساعت ده کنر، غزنی، قندهار، ارزگان، زابل، فراه، غور، بلخ، فاریاب، هلمند، نیمروز، کندز و بدخشان ده امنیتی کوچلر و طالبان گروهی آره‌سیده یوزبیرگن آتیشمه‌لرده ۲۲۱ طالب هلاک و باشقه ۸۸ کیشی ایسه یره‌لنگن.
شونینگدیک هرات محلی مسئوللری نینگ ایتیش‌لریچه، هرات نینگ شیندند تومنیده فعالیت قیله‌دیگن ۱۳۰ طالب تینچلیک پروسه‌سیگه قتنشگن.
