مملکت بوییچه بیرقطار تومنلرنی طالبان قولیگه سقوط قیلیشی بیلن کته ولایتلر سقوط قیلیش خطری بیلن روپهره بولگن.
بوگون “شنبه” هلمند اهالیسی نینگ نمایندهلر کینگشیدهگی وکیللری نینگ کابلده خبری بیر ییغین اوتکزیب ایتیشلریچه، اوشبو ولایت طالبان قمراویگه قرار تاپگن و حکومت دقت قیلمهگن صورتده طالبان قولیگه سقوط قیلیشی ممکن.
نمایندهلر کینگشی عضوی شگوفه نورزی نینگ ایتیشیچه، حاضرده مملکت بوییچه ۷۰ تومن طالبان نظارتیگه اوتگن، بیراق حکومت قیتهدن آلیش اوچون هیچقندهی سعی و حرکت قیلمهیدی.
خانم نورزی گه کوره، تومنلرنی طالبانگه تاپشیریش سوراقلی دیر و اوشبو عمل پرده آرقهسیده معامله صورت تاپگنینی کورستهدی.
شونینگدیک، نمایندهلر کینگشی باشقه بیر عضوی غلامولی افغان نینگ ایتیشیچه، امنیتی وضعیت یمان بولیشی و حکومت نینگ جیم توریشی قابل قبول ایمس و جمهورلیک ریاستینی بوتوغریده اوز موقفینی اعلان قیلیشی کیرهک.
نمایندهلر کینگشی اعضالری نینگ ایتیشلریچه، استخدام ایتیلگن قومندانلر کفایتسیز دیر و اوروشنی مدیریت قیله آلمهیدی و انهشو سبب تومنلر سقوط قیلهدی.
اوتگن بیر کیچه و کوندوز ده مملکت بوییچه ۷ تومن طالبان قولیگه سقوط قیلگن بیرحالده بوتوغریده خواطرلر کوپهیگن. ایتیلیشیچه، جوزجان ولایتی نینگ مردیان تومنی، تخار ولایتی نینگ بهارک و بنگی تومنی، فاریاب ولایتی نینگ خواجهسبزپوش تومنی، فراه ولایتی نینگ پشتکوه تومنی، پکتیا ولایتی نینگ میرزکه تومنی و سمنگان ولایتی نینگ درهصوف تومنی اوتگن ۲۴ ساعتده طالبان قولیگه سقوط قیلگن تومنلر جملهسیدن دیر.