بیرلشگن ملتلر تشکیلاتینینگ اعلام قیلیشیچه، جولای آییده نوار غزه گه انسانسیورلیک یاردملر ییتکزیلیش حجمی ۳۳ فایز آشگن؛ بو بیلن بیرگه اَیریم محصوللرنینگ آلیب کیریلیشیگه قوییلگن چیکلاولر حاضرگچه سقلهنیب قالماقده.
خلقارا ییتکرمهلرنینگ بوگون (۱۷-اسد/۸-اگست، شنبه)، بیرلشگن ملتلر تشکیلاتی رسمیلریدن نقل قیلیب گزارش بیریشیچه، یاردملر ییتکزیلیشی کوپهیشی بیلن نوار غزه ده انسانسیورلیک یاردملرگه نیازمندلیکلر کوچهیگن.
بیرلشگن ملتلر تشکیلاتی سوزلاوچیسی فرحان حقنینگ ایتیشیچه، جولای آییده بیرلشگن ملتلر تشکیلاتینینگ شریکلری بیلن غزه گه ییتکزگن یاردملری حجمی، جون آییگه نسبت ۳۳ فایز آشگن.
اونگه کوره، مذکور یاردملردن قریب ۶۰ فایزی آزیق-آوقت محصوللریدن عبارت بولیب و قالگنی ایسه باشپنه، سوو و ساغلیقنی سقلش خذمتلریگه تیگیشلی نرسهلر دیر.
یاردملر ییتکزیلیشی کوپهیشی بیلن بیرگه بیرلشگن ملتلر تشکیلاتینینگ ایتیشیچه، غزه گه ییتکزیلیشی اوچون رخصت بیریلگن اَیریم محصوللرگه نسبت چیکلاولر، حاضرگچه دوام ایتماقده.
۲۰۲۳-ییل اسرائیل و حماس آرهسیده اوروش باشلنگنیدن بویان، نوار غزه گه انسانسیورلیک یاردملر ییتکزیلیشی کینگ کولملی چیکلاولر بیلن روپهره بولگن.
