اوکراین رسمیلرینینگ اعلام قیلیشیچه، اوشبو مملکت پایتختی کییف گه قرشی روسیه هجوملری عاقبتیده، کمیده اوچ کیشی اولیب و اوچ کیشی یرهلنگن.
رویترز آژانسینینگ بوگون (۱۷-اسد/۸-اگست، شنبه)، کییف حربی اداره باشلیغی تیمور تکاچنکو دن نقل قیلیب گزارش بیریشیچه، روسیه هجوملری اوکراین پایتختی ده اوچ نقطهنی نشانگه آلگن.
شونینگدیک کییف بلدیهسی ویتالی کلیچکونینگ ایتیشیچه، هوا هجومی حقیده آگاهلنتیریش اعلام بولگنیدن کیین، بو شهرنینگ ایکی منطقهسیده یانغین یوز بیرگن.
گزارش اساسیده، اوکراین جدی شکلده هوا مدافعه تیزیملری کملیگی بیلن روپهره بولگن؛ اوشبو تیزیملر ایسه روسیهنینگ بالستیک راکتهلرینی یوق قیلیش اوچون جودهیم مهم اهمیتگه ایگه دیر.
روسیه و اوکراین آرهسیدهگی اوروش ۲۰۲۲-ییل فبروری آییده باشلهنیب و حاضر مذکور اوروشدن بیش ییل بولگن. آتیش کیسین برقرار بولیشی اوچون خلقارا سعیوحرکتلر بولگنی بیلن، حاضرگچه بو سعیوحرکتلر نتیجه بیرمهگن.
