روسیه حربی کوچلری درانلر آرقهلی اوکرایننینگ کریویریه شهریده سودا مرکزیگه بیرگن ضربهلری عاقبتیده کمیده ۱۶ کیشی هلاک بولگن و ینه ۱۳۰ دن آرتیق کیشی ایسه یرهلنگن.
قید ایتیلیشیچه، روسیه حربی کوچلری ۳۰ اسد/۲۱ آگست، جمعه کونی کیچ قورون اوکرایننینگ کریویریه شهری گه هجوم قیلگن و اونینگ نتیجهسیده کمیده ۱۶ کیشی اولگن و ینه ۱۳۰ کیشی یرهلنگن. واقعه طفیلی یرهلنگنلر آرهسیده ۲۲ نفر باله بار.
اوکراین جمهور باشلیغی ولودیمیر زلنسکی هجومنی مطلقا شفقتسیز و جیرکنج دیب اتهگن. اونینگ ایتیشیچه، بیرینچی دران ضربهسیدن تخمیناً یریم ساعت اوتیب، ایکینچی دران سودا مرکزی گه اوریلگن و بو قوتقرو خذمتلری خادملرینی هم نشانگه آلیشگه قرهتیلگن ایتهیلب قیلینگن هجوم بولگن.
شونینگدیک، زلنسکی روسیه هجومینی «ترورچیلیک حرکتی» دیب، خلقارا همجمعیتنی مسکونی جوابگرلیککه تارتیشگه چقیرگن. شو کبی او، البته جواب قیترهمیز دیب آگاهلنتیرگن.
